लोकतान्त्रिक विचार र आर्दशबाट विचलित नहुन तरुणदलको आग्रह

आगमनखबर संवाददाता

काठमाडौं । नेपाल तरुणदल अध्यक्ष विद्वान गुरुङले गणतन्त्र स्थापना नेपाली जनताको लामो संघर्ष, त्याग, तपश्या र बलिदानबाट २४० वर्ष निरङ्कुश राजतन्त्रको अन्त्य गरी संघिय लोकतान्त्रिक गणतन्त्र स्थापनाको आज १४ वर्ष पुरा गरी १५ वर्ष आरम्भ भएकोमा शुभकामना ब्यक्त गरेका छन ।

गुरुङले शुभकामना सन्देस जारि गर्दै लाखौँ लाख नेपाल आमाका सपुत सन्तानहरुले गणतन्त्र स्थापनाको लामो लडाईमा निकै दुःख कष्ट भोग्नुका साथै शाहदत समेत हुन पुगेको सत्य ईतिहास हाम्रो सामु ताजै रहेको उल्लेख गरेका छन ।

गणतन्त्र स्थापनाको लडाईको लामो काल खण्डमा शाहदत प्राप्त गर्नुहुने ज्ञात अज्ञात शहिदहरु प्रति आजको दिनमा नेपाल तरुण दल हार्दिक श्रदाञ्जली अर्पण गर्दै उहाँहरु प्रति सम्मान व्यक्त गर्दछ । आजैका दिन हामीले जनताको लोकतान्त्रिक अधिकार र आर्थिक समृद्धिको चाहना पुरा गर्ने अठोट गर्दै नेपाली काँग्रेसको नेतृत्वमा बनेको संघिय लोकतान्त्रिक गणतन्त्र नेपालको संविधानको रक्षा र बहुजाती, बहुभाषिक, बहुसांस्कृतिक तथा हिमाल, पहाड, तराई मधेशलाई एउटै मालामा गाँसेर नेपालीको सुखी भविष्य निर्माणमा एकतावद्ध भएर लाग्नु पर्ने प्रण गर्नुपरेको बताए।

नेपाली जनताले भर्खरै स्थानीय तह निर्वाचन २०७९ शान्तिपूर्ण रुपमा सम्पन्न गरेका छौ । यस महान कार्यमा आ–आफ्नो क्षेत्रबाट योगदान पु¥याउनु हुने सम्पूर्ण जनसमुदाय तथा तरुण युवा साथीहरुमा नेपाल तरुण दल केन्द्रीय समिति हार्दिक आभार व्यक्त गर्दछ जारि शुभकामना सन्देसमा उल्लेख छ।

लोकतन्त्रको मूल भूत मान्यताले मात्र शान्ति र समृद्धिको मार्ग खुल्ने हुनाले सम्पूर्ण तरुण साथीहरुलाई लोकतान्त्रिक विचार र आर्दशबाट विचलित नहुन दल हार्दिक आग्रह गर्दै गणतन्त्र दिवसको पावन दिनमा नेपाली जनताका स्वतन्त्रता र लोकतान्त्रिक अधिकारहरु खोस्न सल्बलाउन लागेका निरङ्कुशताका अवशेषहरु पूर्ण रुपमा समाप्त गर्ने शक्ति, आट र क्षमता प्राप्त होस र सम्पूर्ण नेपालीहरु लेकतन्त्रको उर्वर जगमा सुखी र समृद्ध हुन एक भएर लाग्ने प्रेरणा प्राप्त होस आजको दिनमा सम्पूर्ण नेपालीहरुमा यही शुभकामना ।