काठमाडौं महानगरपालिका प्रमुखमा बालेन्द्र स्थापित भन्दा झन्डै डबल मतले अगाडि

आगमनखबर संवाददाता

काठमाडौं। काठमाडौं महानगरपालिकाको प्रमुखमा स्वतन्त्र उम्मेदवारले अग्रता कायमै राख्नुभएको छ ।

केही समय अघि प्राप्त मत परिणामअनुसार प्रमुख पदका स्वतन्त्र उम्मेदवार बालेन्द्र शाहले ११ हजार ७६९  मतान्तरका साथ आफ्नो अग्रता कायम राख्नुभएको छ । उहाँले २४ हजार ३२४ मत प्राप्त गर्नुभएको छ । नेपाल कम्युनिष्ट पार्टी (एमाले) का केशव स्थापितले १२  हजार ५७३ तथा नेपाली काँग्रेसकी सिर्जना सिंहले १२ हजार ९३  मत प्राप्त गर्नुभएको काठमाडौंका सहायक निर्वाचन अधिकृत प्रेमप्रसाद पौड्यालले जानकारी दिनुभयो ।

एमालेको तर्फबाट उपप्रमुखका उम्मेदवार सुनीता डङ्गोलले १९ हजार ९५६ मतका साथ आफ्नो अग्रता कायम राख्नुभएको छ भने एकीकृत समाजवादीका रामेश्वर श्रेष्ठले ६  हजार ३१६  मत प्राप्त गर्नुभएको छ

प्रदर्शनी मार्गस्थित राष्ट्रिय सभागृमा बाँकी वडाको मतगणना कार्य भइरहेको छ ।

• Categories
• #मुख्य समाचार