हलेसी तुवाचुङ नगरपालिकाको मेयरमा बिमला राई निर्वाचित

आगमनखबर संवाददाता

खोटाङ । खोटाङको हलेसी तुवाचुङ नगरपालिकाको मेयरमा बिमला राई निर्वाचित भएकी छन् ।

राईले एमाले र माओवादी केन्द्रको गठबन्धनलाई पछीपार्दै  मेयर जितेकी हुन् ।

उनी निर्वाचित भएसँगै जिल्लामा पहिलो महिला मेयर बनेकी छन् । उनले एमालेका मेयर उम्मेदवार खडेन्द्र साम्पाङलाई ३५१ मतले पराजित गरेकी छन ।

बिमलाले कूल मत ६ हजार ३१७ पाउँदा निकटतम प्रतिद्धन्द्धी खडेन्द्र ५ हजार ९६६ मतमा खुम्चिएका थिए  ।

यस्तै, उपमेयरमा कांग्रेसका रमेश राउत निर्वाचित भएका छन् । राउतले ५ हजार ९३४ मत पाएका छन् । उनका प्रतिस्पर्धी माओवादी केन्द्रका अमेम्बर राइले ५ हजार ६६१ मतमा चित्त बुझाउनु परेको छ । एमालेले भनेउपमेयर उठाएको थिएन ।

नगरपालिकामा एमाले र माओवादीले गठबन्धन गरेर बिमला हराउने प्रपञ्च रचेका थिए । तर, दुई पार्टीलाई हराउन बिमला एक्लै काफी भइन् ।

२०७४ को स्थानीय तह सदस्य निर्वाचनमा कांग्रेसबाट उपमेयर जितेकी ४१ वर्षीया राईले यो पटक मेयरमा बाजी मारेका हुन् ।

कांग्रेसको महाधिबेशन प्रतिनिधि तथा प्रदेश सदस्य रहेका उनले सीएमए सकेर ग्रामिण विकासमा मास्टर्स गरेकी छन् । एलएलबीको अन्तिम नतिजा पर्खिरहेका उनी राजनीतिक शास्त्रमा दोश्रो वर्षमा अध्ययरनत छिन् ।

• Categories
• #राजनीति