केपिलासगढी पालिका अध्यक्षमा कांग्रेसका समिर राई विजयी

आगमनखबर संवाददाता

खोटाङ ।खोटाङको केपिलासगढी गाउँपालिका अध्यक्षमा नेपाली कांग्रेसबाट समिर राई विजयी भएका छन्।

निर्वाचन आयोगका अनुसार स्थानीय तह निर्वाचन २०७९ अन्तर्गत केपिलासगढी गाउँपालिका प्रमुखमा नेपाली कांग्रेस उम्मेदवार समिर राई २,२४४ मत ल्याई विजयी भएका छन् । 

उनले निकटतम प्रतिद्वन्द्वी नेपाल कम्युनिष्ट पार्टी (एकिकृत समाजवादी) उम्मेदवार माइतिराज राईलाई ४३६ मतान्तरले पराजित गरेका हुन् । पराजित माइतिराज राईले १,८०८ मत ल्याएका छन् ।

यस्तै, वडातर्फ फेदीमा कांग्रेसबाट निरकुमार राई, खार्ताम्छामा नेकपा एसबाट मिलनकुमार राई, बासपानीमा नेकपा एसबाट तुलाराम राई, बाक्सिलामा माओवादी केन्द्रबाट खड्ग बहादुर तामाङ, सप्तेश्वरमा माओवादीबाट हिमालभक्त राई, दिप्सुङमा कांग्रेसबाट गोपाल राई, सुङदेलमा माओवादीबाट तेजकुमार राई कोयी वडाध्यक्षमा विजयी भएका छन्।

• Categories
• #मुख्य समाचार
• #राजनीति