पाटन प्रिमियर लिग : तीन टोली सेमिफाइनलमा

आगमनखबर संवाददाता

बैतडी। बैतडीको पाटनमा जारी पाटन प्रिमियर लिग (पीपीएल) क्रिकेटअन्तर्गत सेमिफाइनल पुग्ने तीन टोलीको टुङ्गो लागेको छ । आयोजक पाटन क्रिकेट क्लब, पाटन क्रिकेट एकेडेमी र कैलपाल क्रिकेट क्लब सेमिफाइनल प्रवेश गरेका छन् ।

सेमिफाइनल पुग्ने चौथो टोलीको टुङ्गो बुधबार लाग्ने स्कोरर किरन चन्द जानकारी दिनुभयो । पाटन क्रिकेट क्लबको आयोजनामा श्रीकृष्ण माविको खेलमैदानमा यही फागुन १३ गतेदेखि उक्त प्रतियोगिता सुरु भएको छ । पन्ध्र टोली सहभागी प्रतियोगिताको फाइनल खेल फागुन २० गते हुनेछ ।

विजेताले रु ५५ हजार ५५५ र उपविजेताले रु २२ हजार २२२ नगखसहित ट्रफी, मेडल र प्रमाणपत्र पाउने प्रतियोगिताका संयोजक खेमराज अवस्थीले बताउनुभयो । यस्तै सर्वोत्कृष्ट खेलाडीलाई रु तीन हजार ३३३, उत्कृष्ट ब्याट्सम्यान र बलरलाई समान रु एक हजार १११ प्रदान गरिने छ ।

• Categories
• #खेलकुद
• #मुख्य समाचार