मृगौला पीडित द्वारा सहयोगको अपिल

आगमनखबर संवाददाता

काभ्रे।रोशी गाउँपालिका वडा नम्बर ११ मेन्धुबा काफलबाेट डाँडा घर भैइ बाबु बल बहादुर सिदाली आमा मेन माया सिदालिको छोरा बर्ष ३७ को सुर बहादुर सिदाली(सुरेश सिदाली मगर)लाई एउटै चिन्ता छ,आफ्नो उपचार खर्च कसरी जुटाउने भन्ने।‘अब थप उपचार गराउन पैसा छैन।सुर बहादुर सिदाली बिगत ३ बर्ष देखि किष्ट मेडिकल कलेज हस्पिटलमा उपचार गर्दै आएको बताएको छ।

मगरले भने कसरी उपचार खर्च जम्मा गर्ने कुनै पेशा व्यवसायी छैन अहिले धेरै वर्ष भइसक्यो उपचारमा लागेको साथमा एक छोरा दुई छोरीहरु छन।उपचार खर्च कसरी जुटाउँ ?

हप्तै पिछे डायलासिस गराउन किष्ट मेडिकल पुग्नुपर्छ,’ मगरले भने अस्पतालमा उपचार खर्च जुटाउन गाह्रो भैरहेको छ’ उनका अनुसार ३ वर्षदेखि मृगौलाको समस्या देखिएको हो।उहाँको दुवै मृगौला काम नलाग्ने भएपछि आफन्तहरु आर्थिक स्रोत जुटाउन खटिए पनि आर्थिक जुटाउन नसकेको उनले बताए ।

खाने, लाउने र कमाउने उमेरमा मगरको दुवै मृगौला फेल भएपछि उनका दिनहरु निकै कठिन बनेका छन् । पिडित सुर बहादुरको घरमा कमाउने कोही छैन।

सुर बहादुर सिदाली ३७ बर्षको भए,छोरा छोरीहरु पनि स साना नै छन।दुबै मृगौलामा फेल भएपछि आफन्तहरुको सहयोगमा काठमाडौं ल्याएर उपचार गराइ राखेका छौ।मृगौला फेर्ने चाहाना छ,त्यत्रो पैसा जुटाउन सक्ने अवस्था नभएकाले डायलासिस गराउँदै आएको छु।उनले भने,माग्ने ठाउँ सबै सकियो, अब त डायलासिस खर्च पनि कसरी जुटाउने भन्ने पिर पर्न थालेको छ ।

सुर बहादुरको घरमा साना छोराछोरी मात्रै छन् डाक्टरले मृगौला प्रत्यारोपण गर्न ३५ देखि ४० लाख खर्च लाग्छ भनेपछि रोएरै दिन कटाएको उनले बताउँछन ।उनले दुखेसो पोखे ‘विहान साँझ हातमुख जोर्न समेत धौधौ छ, म गरीबले कसरि उपचार गरुँ?

सुर बहादुरको परिवारले उपचार सहयोगका लागि वडा कार्यालयदेखि गाउँपालिका र सरकारी निकायमा धाईरहेको बताए।मैले मेरो नयाँ जीवन पाउन सहयोगी मनहरुले मात्रा दिन सक्नु हुनेछ मलाई सहयोग गर्नुहोस् मेरो सानो नाबलक छोरा छोरीको उज्जल भबिश्य तपाईंहरुको सानो सहयोगले मेरो पारीवारले नयाँ जीवन पाउन सक्छ भनी सहयोगको अपिल गरेका छन ।

सहयोगी मनहरुले स्वदेश तथा बिदेशबाट उल्लेखित नम्बरमा 982-3062278 सम्पर्क गर्न सक्नुहुनेछ ।

• Categories
• #सम -सामयिक