क्यानडाव्यापी फुटवल प्रतियोगितामा खुला तर्फको उपाधि एडमन्टनलाई

आगमनखबर संवाददाता

क्यानाडा । क्यानडाव्यापी फुटवल प्रतियोगितामा खुला तर्फको उपाधि एडमन्टनले हात पारेको छ ।

डाफे क्लवले क्यालगरिमा आयोजना गरेको क्यानडामा रहनुहुने नेपाली समुदायका सवै उमेर समुहको सहभागीता हुने गरि गत आईतवार सम्पन्न क्यानडाव्यापी फुटवल प्रतियोगितामा खुला तर्फको उपाधि एडमन्टनले हात पारेको हो ।

त्यस्तै ४० पुगेका युवा तर्फको उपाधि भ्यान्कुवारले हात पारेको छ । भने ३० प्लसको उपाधि क्यालगरी डाफे युवा क्लवले हात पारेको छ ।

क्याडाको अन्टेरियो, एनमन्टन, भ्यान्कुवार लगायतका क्षेत्रबाट १९ टिमको सहभागिता रहेको प्रतियोगिता यहि सेप्टेम्वर ४ र ५ तारेमा क्यालगरिमा सम्पन्न भएको थियो ।

कार्यक्रममा पुरस्कार वितरण गर्दै गैरे आबासीय नेपाली संघ एनआरएन क्यानडाका अध्यक्ष दिपक गौतमले मनोरन्जन खेल आयोजनाले सामाजिक एकता बलियो बन्नुका साथै शारिरीक एवं मानसिक स्वाथ्यमा सकारात्मक प्रभाव पर्ने बताउनुभयो ।

गौतमले एनआरएन क्यानडाले नया पुस्तालाई प्रार्थमिकतामा राखेर काम गर्ने बताउदै युवाहरुले गर्ने कार्यक्रममा एनआरएन क्यानडाले सहयोग गर्ने जोड दिनुभयो ।

त्यस्तै कार्यक्रममा एनसीएससीका अध्यक्ष समिर पाण्डे, सिएनसीएका अध्यक्ष ब्रजेस गौतम, दिपक अधिकारी प्रायोजकका तर्फबाट होमलाईफ २४७ का सुनन्द सुवेदी, हेमराज पाण्डे समेतले पुरस्कार वितरण गर्नुभएको थियो ।

कार्यक्रममा होमलाईफ २४७ रियल्टी ब्रोक्रेज, एनसिएसी, एनआरएन क्यानडा, सिएनसीए लगायतले प्रायोजन गरेका थिए ।

सांस्कृतिक कार्यक्रम

फुटबलको समापनपछि सोहि सांझ सांस्कृतिक कार्यक्रम समेतको आयोजनामा सहभागि जनाउदै एनआरएन क्यानडाका अध्यक्ष गौतमले एनआरएन सिंगिड आइडल सिजन १ को टफ टेनमा पर्न सफल युवराज गुरुडलाई बधाइ तथा शुभकामना व्यक्त गर्दै सवैलाई भोट गर्न आग्रह गर्नुभएको थियो ।

कार्यक्रममा गायक युवराज गुरुंगले आफ्नो सांगितिक कोशेली प्रस्तुत गरेका थिए ।