वर्तमान सरकारले निर्मला पन्तलाई न्याय दिनुपर्छ:डिला संग्रौला

आगमनखबर संवाददाता

काठमाडौं।नेपाली काङ्ग्रेस नेतृ डिला संग्रौलाले निर्मला पन्तको बलात्कार पछि हत्या भएको ३ बर्ष बितिसक्दा पनि अपराधी पत्ता नभएको हुँदा बर्तमान सरकारले न्याय दिनुपर्छ न्यायको लागी हाम्रो अभियान जारी छ भन्दै सामाजिक संजाल ट्युइटर मार्फत धारणा व्यक्त गरेकी छन।

महेन्द्रनगर,भीमदत्त नगरपालिका–२ का १३ वर्षीया निर्मला पन्त हत्या प्रकरणका तीन वर्ष बितिसकेको छ ।साथीको घरबाट स्कुलको गृहकार्य गरी घर फर्किने क्रममा सम्पर्क बिहीन भएकी उनीको बलात्कारपछि हत्या गरिएको अवस्थामा शव उखुबारीमा भेटिएको थियो ।

निर्मला हत्या प्रकरणमा न्याय पाऔँ’ भन्दै निर्मलाका बुबा, स्थानीयवासी र अधिकारकर्मीले महेन्द्रनगर बजारमा र्‍याली निकालेका छन् । जिल्ला प्रहरी कार्यालय कञ्चनपुरले उक्त प्रकरणको गहिरो रुपमा अनुसन्धान भइरहेको जनाएको छ ।

घटनापछि तीन वर्षदेखि निरन्तर प्रहरी नायब उपरीक्षकको नेतृत्वमा प्रहरी केन्द्रीय अनुसन्धान ब्यूरोको टोली कञ्चनपुरमै बसेर अनुसन्धानमा खटिएको छ । यसैगरी जिल्ला प्रहरी कार्यालयमा आउने प्रहरी नायब उपरीक्षकलाई अनुसन्धान अधिकृत खटाएर जिल्लास्तर र प्रदेशबाट समेत घटनाका अनुसन्धानमा प्रहरीका छुट्टा छुट्टै टोली परिचालित छन् ।

घटनामा संलग्न जनाउँदै प्रहरीले घटनाको चौथो साता भीमदत्त नगरपालिका–१९ बागफाँटाका दिलीपसिंह विष्टलाई सार्वजनिक गरेको थियो।मानसिक अवस्था ठीक नभएका उनलाई अभियुक्त बनाएको आक्रोशमा आन्दोलन चर्किएका थिए अभियुक्त विष्टको डिएनए नमिलेपछि सरकारी वकिल कार्यालयले रिहा गरेको थियो।

नेपाली काङ्ग्रेस नेतृको अनुसार निर्मला पन्तकी आमा बुबाले सरकारलाई ज्ञापनपत्र बुझाई सकेको समेत जनाएकी छन ।