• शनिवार, असोज-२,२०७८ |
  • तपाईंको आगमन
  • हाम्रोबारे
  • हाम्रो समूह
  • सम्पर्क पृष्ठ

तपाईं यो पोष्ट साझा गर्न सक्नुहुन्छ!

केदार बस्नेत
  • सोलुखुम्बु।हिमालय मावि जुबु साेलुखुम्बुका अग्रेजी बिषयका शिक्षक लेखनाथ वनकाे असामयिक निधनले जुबुवासी शाेकमा डुबेका छन। झण्डै २० वर्षदेखिन हिमालय माविमा अस्थायी मावि दरबन्दीमा कार्यरत रहेका सरको गत बुधबार ईदकाे सार्वजनिक विदाका दिन हुनाले र अघिल्लो दिन परेको भिषण वर्षादकाे बाढी असारमा राेपेकाे धानखेतमा बाढी पसेर ढंगा बालुवा थुपारेकाे र कान्ला भत्काएको हुनाले ती बिहानै देखि खेतको ढुंगा बालुवा निकाल्ने भत्किएको कान्ला अाली थुनथान लगायतका काम गरेर बेलुकी ५ बजे तिर घर फर्कदै गर्दा बाटोमा नै शारीरिक अस्वस्थ महसुस भएको घरमा पुगेर श्रीमतीलाई बताएका र जिवनजल बनाएर पिएपछि खाटमा ढल्केर अाराम गर्दैगर्दा हल्का छातीमा गाह्रो भएजस्तै गरि ख्याक्ख्याक खाेक्दाखाेक्दै अचेत भएका थिए।

तत्काल कान्छा छाेराे अतालिदै कराउदै तल्लाे घरमा रहुनु भएका बडाबा भेषनाथलाई बाेलाएर उहाँ अाउदाँ नै भाई लेखनाथकाे निधन भैसकेको रहेछ। बिरामी भएपछि थाहा पाउने बितिक्कै धामी डाक्टरलाई समेत खबर गर्न नसकिएको अवस्था रहेको र अहिले सम्म केही कुनै किसिमको बिरामी नभएकाले कुनैपनि अाैषधीहरु सेवन नगरेकाे व्यक्ति एक्कासि यसरी मृत्यु हुदाँ उहाँका दाजुभाई छरछिमेकी,विद्यालयका सहकर्मी,विद्यार्थी,अाफन्तजन,शुभचिन्तक सबै अन्याैलमा र दुखित छन।

जुबुकै जनकल्याण माविबाट एसएलसी पास गरेपछि ईटहरीकाे जनता बहुमुखी क्याम्पसमा अाईए र विए अध्यायन पुरा गरेका लेखनाथ सरले मास्टर्स तह भने त्रिवि किर्तीपुरबाट अङ्ग्रेजी विषयमा गरेका थिए।क्याम्पस पढ्ने क्रममा गाउ कै मितेरी दाई नाता पर्ने तेज बहादुर तामाङकाे सानो झुपडीमा उहाँको परिवासगै बसी ट्युसन पढाएर पढाई खर्च धानेका थिए भने। केही समय विराटनगरकाे एभरेस्ट बाेडिङ स्कुलमा पनि अध्यापन गरेको लेखनाथ सरलाई राजा ज्ञानेन्द्र शाहकाे शाशनकाल संकटकालकाे समयमा नेपाली काङ्ग्रेसका तत्कालीन साेलु जिल्ला सभापति प्रभुराम बस्नेतले उहाँको गाउकाे बुद्ध मावि गाेलीमा मावि शिक्षककाे रुपमा लिएर जानुभएको थियोे तर त्यहाँका तत्कालीन हेडमास्टरले काङ्ग्रेसीकाे अाराेप लगाएर नियुक्ति दिएनन्।

राजनीतिक काेपाे भाजनले गर्दा गाेलीमा विद्यार्थीहरुले माग गर्दैगर्दा पनि लामो समय पढाउनु पाउनु भएन र पछि फर्केर केही समय जनकल्याणमा अनि पुनःहिमालय माविमा नै अध्यापन गराउदै अाउनुभएकाे थियोे । क्याम्पस पढ्नेक्रममा २०५३ सालमा सम्पन्न स्ववियु चुनावमा अखिल छैटौं बाट सदस्य पदमा उमेदवार बनेका लेखनाथकाे कारणले अखिल पाचौंकाे एकजना बाहेक प्यानलनै जितेको र एकपदमा नेविसंघका सदस्य विजय भएको हुनाले पछि तेहि रिसईवीले गर्दा अखिल पाचौंका साथीहरूले माअाेवादीकाे अाराेप लगाएर झण्डै १५ दिनजति प्रहरी कार्यालयमा थुनाएका थिए।

तत्कालीन सुनसरीका सिडियाे चाहिँ उहाकै जेठादाजु धर्मराज वनकाे पुराना शिक्षक सहपाठी हुनाले चिनजान कै भरमा रिहाई गरिदिएका थिए।२०५६ साल तिर नै गाउ कै एकजना दाजुभाइसग सुकेपाेखरी बजारमा सानोतिनो डिस्कस हुदा प्रहरीलाई लेखनाथ माअाेवादी हाे भनेर गिरफ्तार गर्न लगाई सल्लेरी सदरमुकाममा ल्याएर थुनेको थियोे ।त्यसबेला हालका प्रदेश माननीय बुद्धिकुमार राजभण्डारीले जमानत बसेर रिहाई गराउनुभएकाे थियोे ।व्यक्तिगत रुपमा वामपन्थीतिर झुकाव भएपनि उहाँले गाउँका अरु शिक्षकहरु जसरी कहिल्यै कसैलाई पनि याे पार्टीमा र उ पार्टीमा भनेर लविङ गर्ने गरेको जानकारी छैन।

सामाजिक कार्यमा समेत चासो दिने लेखनाथ सरले खेतीपाती वस्तुभाउ पाल्ने र अलैंची फलफूलकाे समेत उत्पादन गर्दै अाएका थिए।उहाँ अरु भन्दा भिन्नै खाले साेच भएका,प्रष्टवक्ता,चापलुसी नगर्ने,अग्रगामी विचार राख्ने हुनाले नै हाेला हालै वडामा विनियोजित बजेटकाबारे सामाजिक संजालमा असन्तुष्टि जाहेर गर्दा राम्रो नराम्रो कमेन्टहरु व्यक्त भएकाे हामीले देखेकाे छाै। लेखनाथ सरमा साहित्य,गीतसंगीत खेलकुदमा उत्तिकै दिलचस्पि थियोे भन्ने कुरा उहाले क्याम्पस पढ्दापढ्दै खण्ड काव्य प्रकाशन गरिसकेका थिए भने अाफ्नाे अंशमा पाएकाे एककित्ता बारीनै बेचेर गीतको क्यासेट निकालेका थिए। नाै जना दाजुभाई र पाँचजना दिदीबहिनी मध्येका कान्छाे लेखनाथ सरकाे ४४ वर्षमा निधन भएको थियो। एक श्रीमती र १३ र ७ वर्षका दुई छाेराहरु छन। अहिले यिनै साना छाेराहरु बाउकाे तेह्रौं दिने काममा बसेका छन।

लेखनाथ सरकाे अकल्पनीय, असामयिक निधनले अत्यन्तै दुखित तुल्याएकाे छ। यस दुखद घडीमा शाेकाकुल परिवारजनमा धैर्य धारण गर्ने शक्ति मिलाेस भन्ने कामनाका साथ समवेदना दिदै दिवंगत अात्माकाे चिर शान्तीकाे लागि प्रार्थना अनि हार्दिक श्रद्धाञ्जली !मृतक शिक्षकको दुई छोरा र एक श्रीमती रहेका छ्न।उहाँको निधन प्रती शिक्षक विद्यार्थी राजनीतिज्ञ पत्रकार तथा सरोकारवालाहरुले समवेदना प्रकट गरेका छन।

सम्बन्धित पोष्टहरू
पत्रपत्रिका

सर्वोच्चको आदेशले लोक सेवाका परीक्षा प्रभावित

५ सयभन्दा बढी शाखा अधिकृतको अन्तर्वार्ताको नतिजा रोकियो कोभिड–१९, बाढीपहिरो र आयोगका पदाधिकारी अभावका कारण गत वर्षकै विज्ञापनअन्तर्गत पदपूर्ति गर्न परीक्षा लिने तयारी थियो काठमाडौँ …

बजेट ‘होलिडे’ : दोषी को ?

काठमाडौं । नेपालमा बजेट प्रणाली सुरु भएदेखि हालसम्मको ७० वर्षको इतिहासमा पहिलोपटक बहुमतप्राप्त सरकार आफ्नै ढुकुटीमा भएको खर्चसमेत गर्न नपाउने संवैधानिक बन्देजको अवस्थामा पुगेको छ …

पेचिलो बन्दै एमसीसी: सत्तापक्ष विभाजित, विपक्षी निर्णय कुर्दै

काठमाडौं । अमेरिकी मिलेनियम च्यालेन्ज कर्पोरेसन (एमसीसी) सत्तारूढ गठबन्धनमा आबद्ध दलदेखि विपक्षी दल र राजावादी शक्तिदेखि विप्लव समूहसम्मको विरोधका कारण थप पेचिलो र अनिर्णीत बन्दै …

दैनिक दुईवटाका दरले झोलुङ्गे पुल निर्माण

काठमाडौँ । देशका विभिन्न स्थानमा गरी अहिले दैनिक औसत दुईवटा झोलुङ्गे पुल निर्माण सम्पन्न भइरहेका छन् । सङ्घ, प्रदेश र स्थानीय तीनवटै तहबाट गरी दैनिक दुईवटाका …