सत्ता उल्टाइदिएका प्रधानन्यायाधीश चोलेन्द्रशमशेर राणालाई सुरक्षा थ्रेट, सुरक्षाकर्मी बढाइयो

आगमनखबर संवाददाता

प्रधानन्यायाधीश चोलेन्द्रशमशेर राणाको सुरक्षा थप गरिएको छ ।

उनलाई सुरक्षा थ्रेट भन्दै सुरक्षाकर्मी थपिएको एक प्रहरी अधिकारीले जानकारी दिए ।

राणाले परमादेश जारी गरेर नेपाली काँग्रेसका सभापति शेरबहादुर देउवालाई प्रधानमन्त्री बनाएसँगै सुरक्षा बढाइएको हो ।

उनलाई सुरक्षा चुनौती बढेकाले थप सुरक्षाकर्मी परिचालन गर्नुपर्ने गृहमन्त्रालयको आदेशसँगै सुरक्षा थपिएको बताइएको छ ।

त्यस्तै यता माओवादी केन्द्रका अध्यक्ष पुष्पकमल दाहालको पनि सुरक्षा चुनौती भएको भन्दै सुरक्षाकर्मी थप गरिएको छ ।

• Categories
• #राजनीति