बकर इदको अवसरमा साउन ६ गते सार्वजनिक बिदा

आगमनखबर संवाददाता

काठमाडौँ । सरकारले साउन ६ गते सार्वजनिक बिदा दिने निर्णय गरेको छ ।

सोमबार बसेको मन्त्रिपरिषद्को निर्णय सुनाउँदै सरकारका प्रवक्ता ज्ञानेन्द्रबहादुर कार्कीले ६ गते बुधबार बकर इदको अवसरमा बिदा दिने निर्णय गरेको बताए ।

बिहीवार सिंहदरबार स्तिथ गृहमन्त्रालय पुगी मुस्लिम आयोगले मुस्लिम समुदायको धार्मिक पर्व ईदुल – अज्हा ( बकर ईद ) मा सार्वजनिक विदा घोषणा गर्न गृहमन्त्री बालकृष्ण खाण समक्ष अनुरोध गरेको थियो  । 

आयोगका अध्यक्ष समिम मियाँ अन्मारीले गृहमन्त्री बालकृष्ण खाणलाई मुस्लिम आयोग ऐन  २०७४ को दफा १३ बमोजिम श्रावण ६ गतेका दिन पर्ने ईदुल – अज्हा ( बकर ईद )मा सार्वजनिक विदा घोषणा कार्यान्वयनका लागि गरेको अनुरोध सम्बोधन भएकोमा मुस्लिम आयोगद्वारा खुशी ब्यक्त गरेको छ ।

• Categories
• #धार्मिक
• #मुख्य समाचार
• #सम -सामयिक