नागरिकको जीवनप्रति गम्भीर हुन पूर्व-उपप्रधानमन्त्री कोईरालाको सरकारलाई आग्रह

आगमनखबर संवाददाता

काठमाडौं । नेपाली कांग्रेसकी प्रभावशाली नेतृ पूर्व-उपप्रधानमन्त्री तथा परराष्ट्रमन्त्री माननिय सुजाता कोईरालाले  देश आज चरम स्वास्थ्य संकटबाट गुज्रिरहेकाले नागरिकको जिवनप्रति सरकार गम्भीर हुन आग्रह गरेकी छन ।

सामाजिक सन्जाल मार्फत कोइरालाले वर्तमान परिस्थितीको अवस्थामा गम्भीर हुन सरकारलाई आग्रह गर्नु भएको हो । 

कोइरालाले लेखेकी छन’ कोरोना संक्रमितको  संख्या दिनप्रतिदिन बढिरहेको छ। बिरामीहरुले  अक्सिजन, औषधि, बेड लगायत सामान्य स्वास्थ्य सुबिधा पनि अस्पताल बाट पाउन सक्ने अवस्था  छैन। मृत्युलाइ आफ्नै अगाडी देख्दा पनि बिरामीले निरिह भएरउपचार अभाबमा टुलुटुलु हेरिरहनु पर्ने विवशता छ। 

सरकारसंग पूर्व तयारीको निम्ति प्रयाप्त समय थियो तर त्यसमा गम्भीरता पुर्बक ध्यान नदिएर अन्य बिषयहरुमा अल्झिदा अहिलेको बिकराल समस्या आएको हो।तसर्थ, सरकारको सम्पूर्ण ध्यान यो महामारी संग लड्न केन्द्रित होस र अक्सिजन लगायत आबस्यक  स्वास्थ्यसामग्री नियमित उपलब्ध गराई उपचारको बाताबरण सिर्जना गर्न नेपाल सरकार समक्ष कोईरालाले अनुरोध गर्नु भएको छ।

• Categories
• #राजनीति