कोरोना संक्रमणबाट नेपालमा थप २०३ जनाको मृत्यु, मृतकको संख्या ४ हजार ६६९ पुग्यो

आगमनखबर संवाददाता

काठमाडौ । नेपालमा पछिल्लो २४ घण्टामा २ सय ३ जनाको मृत्यु भएको छ । नेपालमा हालसम्म कोभिड–१९ को संक्रमणबाट ४ हजार ६६९ जनाको मृत्यु भएको छ ।

स्वास्थ्य मन्त्रालयले दिएको जानकारी अनुसार पछिल्लो २४ घण्टामा थप ८ हजार ५२० जनामा संक्रमण पुष्टि भएको छ । योसँगै नेपालमा कूल संक्रमितको संख्या ४ लाख ३९ हजार ६५८ पुगेको छ ।

आज २१ हजार ४७८ जनाको परीक्षण गर्दा पीसीआर विधिबाट ८४६७ तथा एन्टीजेन विधिबाट ५३ जनामा संक्रमण पुष्टि भएको हो ।

त्यस्तै पछिल्लो २४ घण्टामा ६ हजार १३५ जना कोरोना संक्रमणमुक्त भएका छन।

• Categories
• #मुख्य समाचार