जेठ १७ गते सम्मका लागि अन्तर्राष्ट्रिय हवाई उडान बन्द

आगमनखबर संवाददाता

काठमाडौं। कोरोनाको दोर्सो  लहरको असर दिनानुदिन बढ्दै गएकाले अन्तर्राष्ट्रिय हवाई उडानमाथिको प्रतिवन्ध १७ जेठसम्मका लागि बन्द गरिने भएको छ ।

मंगलबार एक सूचना जारी गर्दै नेपाल नागरिक उड्डयन प्राधिकरणका प्रबन्धक हिराजन काफ्लेले सो जानकारी दिनुभएको हो । 

यसबीचमा भारतसँग सातामा दुई उडान भने निरन्तर रहने सूचनामा उल्लेख छ । कोरोना भाइरसको महामारी नियन्त्रण गर्न सरकारले वैशाख मसान्तसम्म उडानमाथि प्रतिवन्ध लगाउने निर्णय गरेकोमा यसलाई लम्ब्याएर सरकारले १७ जेठमा पुर्‍याइएको हो ।  

यसबीचमा एयरलाइन्सहरुले मेडिकल उडान, चार्टर्ड र कार्गो उडानको अनुमति भने पाउने भएका छन् ।

• Categories
• #देश–विदेश
• #मुख्य समाचार