जोशीको १३ औं पुण्यतिथिको अवसरमा नेपाली जनसम्पर्क समिति मलेसियाद्वारा श्रद्धाञ्जलीसभा

आगमनखबर संवाददाता

मलेसिया । नेपाली कांग्रेस नेता एवं पुर्व मन्त्री स्व. नविन्द्रराज जोशीको १३ औं दिनको पुण्यतिथिको अवसरमा नेपाली जनसम्पर्क समिति मलेसियाले श्रद्धाञ्जलीसभा गरेको छ ।

श्रद्धाञ्जलीसभा आइतबार मलेसिया स्थित नेपाली जनसम्पर्क समितिको कार्यलयमा समितिका उपसभापति कमल प्रसाद गौतमको सभापतित्वमा भएको उक्त सभाको कार्यक्रमलाई नेपाली जनसम्पर्क समिति मलेसियाका कोषाध्यक्ष हरि कोइरालाले सञ्चालन गरेका थिए ।

सभालाई नेपाली जनसम्पर्क समिति उपसभापति कमल प्रसाद गौतम, नेपाली जनसम्पर्क समन्वय बिभागका केन्द्रीय सदस्य सन्तोष रिजालले सभालाई सम्बोधन गर्दै नेता जोशीको योगदान लाई स्मरण गर्दै नेपाली कांग्रेसले एउटा असल वैचारिक नेता गुमाएको भन्दै दु:ख व्यक्त गरेका छन ।

श्रद्धाञ्जली सभामा सहभागी नेता तथा कर्याकर्ताहरुले आ- आफ्नो धारणा ब्यक्त गरेका छन । नेपाली कांग्रेस केन्द्रीय समितिको १४ औं महाधिवेशनलाई केन्द्रित गर्दै आशन नेपाली जनसम्पर्क समितिको अधिवेशनमा जुट्न नेपाली कांग्रेस आवद नेपाली श्रमिकहरुलाई आवद हुन नेपाली जनसम्पर्क समन्वय बिभागका केन्द्रीय सदस्य सन्तोष रिजालले सबैमा आह्वान समेत गरेका छन ।

श्रद्धाञ्जली सभामा एक मिनेट मौनधारण गरी कार्यक्रमको सुरु गरिएको थियो नेपाली जनसम्पर्क समितिका कोषाध्यक्ष हरि कोईरालाले समय निर्धारण गरेका थिए ।