नक्कली टिकट बेच्ने एनआरएनए पोर्चुगलका कोषाध्यक्ष कुँवर पदबाट निलम्बित

आगमनखबर संवाददाता

पोर्चुगल। गैर आवासीय नेपाली संघ राष्ट्रिय समन्वय परिषद पोर्चुगलले संस्थाका कोषाध्यक्ष बिक्रम जंग कुँवरलाई निलम्बन गरेको छ ।

संघले एक बिगप्ति जारी गरी कुँवरले संचालन गर्दै आएको लक्ष्मी ट्राभल्सबाट टिकट लिई नेपाल उडानको तयारी गरी लिस्बोन एयरपोर्ट पुगेका एक दर्जन भन्दा बढि मानिसहरू टिकट नक्कली भएको जानाकारी एयरपोर्टको टिकट रुजु गर्ने कर्मचारीले जनाए पश्चात उहाँहरु सबैजना एयरपोर्टबाट फिर्ता भएको खबर र पिडीतको गुनासो सहितको भिडियो र सामाजिक संजालमा आएको समाचारले एनआरएनए पोर्चुगलको गम्भिर ध्यानाकर्षण भएको जनाएको छ । 

समितिका जो कोहि पनि पदाधिकारीबाट कहि कतै संस्थाको हित बिपरित समाजमा नकरात्मक वातावरण सृजना गर्ने , गराउने र भ्रम श्रृजना गरेमा स्वत जो कोहिलाई पनि संस्थागत रुपमा निलम्बन गर्ने भनी निर्णय गरिएको सबैमा अवगत छ जारी बिगप्तिमा उल्लेख छ  । 

एनआरएनए पोर्चुगलको पूर्व घोषित कार्यसमितिको निर्णय बमोजिम संस्थाका कोषाध्यक्ष बिक्रम जंग कुँवरको यस किसिमको व्यबहार प्रती गम्भिर हुँदै निजलाई आजको मितिदेखि कार्यसमितिको अर्को निर्णय नहुन्जेल सम्मका लागि स्वत निलम्बन गरिएको कुरा सबैमा जानकारी गराउन चाहान्छौं जारी बिगप्तिमा भनिएको छ ।

• Categories
• #अपराध
• #अर्थतन्त्र
• #देश–विदेश