भारतमा कोरोना संक्रमण बढेपछि जुलुस, भेला नगर्न नेपाल सरकारको अनुरोध

आगमनखबर संवाददाता

काठमाडौं। भारतमा कोरोना भाइरस संक्रमण दर बढेपछि स्वास्थ्य तथा जनसंख्या मन्त्रालयले सभा, जुलुस र भेला नगर्न अनुरोध गरेको  छ । 

मन्त्रालयले आइतबार एक सूचना जारी गदै सभा जुलुसमा  रोक लगाएको हो ।

नेपालमा पनि संक्रमण फैलिने सक्ने जोखिम उच्च रहेको भन्दै मन्त्रालयले यस्तो निर्णय गरेको हो ।

मन्त्रालयले संक्रमणबाट जोगिन साबुन पानीले हात धुने र सेनिटाइजरलगायत जनस्वास्थ्यको मापदण्ड पालना गर्न सर्वसाधारणलाई आग्रह समेत गरेको छ ।  

यस्तै, सामाजिक दूरी कायम गर्न र अनिवार्य रूपमा मास्क प्रयोग गर्न पनि स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमद्वारा प्रकाशित प्रेस विज्ञप्तिमा उल्लेख गरिएको छ ।

• Categories
• #मुख्य समाचार
• #स्वास्थ