पछील्लो २४ घण्टामा उपत्यकामा ५३ सहित ९४ सङ्क्रमित थपिए

आगमनखबर संवाददाता

काठमाडौं । नेपालमा पछील्लो २४ घण्टामा कोरोना भाइरसका ९४ जना सङ्क्रमित थपिएका छन् । स्वास्थ्य तथा जनसंख्या मन्त्रालयले कोभिड १९ सम्बन्धी दैनिक विवरण अद्यावधिक गर्दै पछिल्लो चौबीस घण्टामा दुई हजार ७८१ आरटीपीसीआर परीक्षण गरिएको जनाएको छ ।

योसँगै नेपालमा ९४ जना सङ्क्रमित थपिएसँगै नेपालमा कुल सङ्क्रमितको संख्या दुई लाख ७५ हजार ५१८ पुगेको छ ।  यस्तै, नेपालमा ५५ जना निको भएको जनाएको छ । हालसम्म निको भएकाको संख्या दुई लाख ७१ हजार ५५० पुगेको छ । मन्त्रालयले हाल ९५४ जनामा भाइरसको सङ्क्रमण सक्रिय रहेको जनाएको छ । 

यस्तै, पछिल्लो चौबीस घण्टामा काठमाडौं उपत्यकामा ५३ जना सङ्क्रमित छन् । भक्तपुरमा ११, ललितपुरमा १३ र काठमाडौं जिल्लामा २९ सहित ५३ थपिएका हुन् ।

• Categories
• #स्वास्थ