काभ्रेमा माओवादी जिल्ला सदस्य सहित ४१ जना कांग्रेसमा प्रबेश

जिवन पाख्रिन तामङ्

काभ्रे । नेपाली कांग्रेस रोशी गाउँपालिका वडा नं ९ मंगलटार कार्यसमितिद्वारा आयोजित कार्यकर्ता भेला तथा पार्टी प्रवेश कार्यक्रममा पूर्व माओवादीका जिल्ला सदस्य सहित ४१ जना बढि युवाहरु नेपाली कांग्रेस पार्टीमा प्रवेश गरेका छन्।

कांग्रेस प्रबेश गर्नेमा पूर्व माओवादी काभ्रे जिल्ला सदस्य एवम् मंगलटारका अध्यक्ष बिर बहादुर तामाङ, माओवादी जिल्ला सदस्य पृतान्त तामाङ र तेन्जी लामा वाईबाको नेतृत्वमा पूर्व एमाले निकट पूर्व शिक्षक केदार श्रेष्ठ र पूर्व माओवादीका केन्द्रीय कलाकार रोशन तामाङ लगायत स्थानिय नेताहरु गरि ४१ जना भन्दा बढि युवाहरु नेपाली कांग्रेस पार्टीमा प्रवेश गरेका हुन।

नवप्रबेशीहरुलाई कार्यक्रमका प्रमुख अतिथि नेपाली कांग्रेसका केन्द्रीय सदस्य शिवप्रसाद हुमागाइ, विशेष अतिथि काभ्रे-१ का संविधान सभा सदस्य एवम् प्रतिनिधि सभा सभापति युवा नेता तिर्थ लामा, नेपाली कांग्रेस तरुण विभाग बागमती प्रदेशका उपसंयोजक दावा लामा, प्रदेश सभा सभापति राम योन्जन क्षेत्रीय सचिव गुणराज मुक्तान लगायत स्थानिय नेताहरुले कांग्रेस पार्टीमा स्वागत गरेका छन्।

नवप्रबेशीहरुले अहिलेको सरकारबाट दिक्क लागेर आफुलाई एमाले माओबादीको कार्यकर्ता हो भनेर भन्न पनि नसकिने अवस्था सिर्जना भएको कारण नेपालि कांग्रेसमा प्रवेश गर्नुपरेको बताएका छन् ।