कांग्रेसको १४ औं महाधिवेशनका लागी दिक्तेल रुपाकोटले बुझायो कृयाशील सदस्यता

यज्ञ कुमार राई

खोटाङ । नेपाली कांग्रेसको १४ औं महाधिवेशन आगामी भदौ ७ देखि १० सम्म गर्नेगरी कार्यतालिका तयार भएसंगै पार्टीका विभिन्न निकायहरू महाधिवेशन सफल बनाउन सकृय हुन थालेका छन् ।

नेपाली काङ्ग्रेस खोटाङ क्षेत्र नं.-२ अन्तर्गत रहेका दिक्तेल रुपाकोट मझुवागढी नगर पालिकाका वडा नं.- ४, ५, ६, ७, ८ र ९ नं. को नयाँ तथा नविकरण कृयाशील सदस्यता फारम नगर सभापति दुर्गाप्रसाद घिमिरेले क्षेत्रीय सभापति तीर्थराज भट्टराईलाई बुझाएका छन ।

नेपाली काङ्ग्रेसको केन्द्रीय समितिको निर्णय तथा विधानमा उल्लेख भए अनुसार केन्द्रीय कार्यालयबाट जिल्ला हुँदै क्षेत्रीय समिति पालिका समिति र वडा समितिलाई कृयाशील सदस्यता फारम लैजाने र सोही क्रम अनुसार क्रमशः केन्द्रीय कार्यालयमा बुझाउनुपर्ने व्यवस्था गरिएको क्षेत्रीय सभापति तीर्थराज भट्टराईले बताउनुभयो ।

क्षेत्रीय सभापति भट्टराईले बताए अनुसार खाल्लेबाट नयाँ ८६ , पुरानो १०६, लफ्याङ – नयाँ १०४ , पुरानो १६७ , नेर्पा नयाँ ४६ , पुरानो २४, दोर्पा (७) नयाँ ३४ ,पुरानो २३, दोर्पा (८) नयाँ २१, पुरानो ३० र निर्मलीडाँडा नयाँ ५० , पुरानो ३७ रहेको जनाएको छ ।

भोलि १९ गते २ नं . क्षेत्र अन्तर्गतका सबै कृयाशील सदस्य फारम जिल्ला पार्टी कार्यालयलाई बुझाउने सभापति भट्टराईले बताउनुभयो।

त्यस्तै क्षेत्र नं.-१ को कृयाशिल सदस्याता फारम २-३ दिनमा जिल्लामा बुझाइने क्षेत्रीय सभापति इवन राईले बताउनुभयो ।