मध्यवती क्षेत्रबाट सुरु भएको आगो रारा राष्ट्रिय निकुन्ज निकुन्जको वनसम्म फैलियो

हेम राज उपाध्याय

छायाँनाथ रारा नगरपालिकाको मध्यवती क्षेत्रबाट सुरु भएको आगो रारा राष्ट्रिय निकुन्ज निकुन्जको वनसम्म फैलिएको हो ।

छायाँनाथ रारा नगरपालिका ७ ऋणीमोक्क्ष मध्यवती वनबाट प्रारम्भ भएको आगो राष्ट्रिय निकुञ्जको बनसम्म फैलिएको छ । ऋणीमोक्क्ष मध्यवती उपभोत्ता समितिको सुकदह भेडी खरक भन्ने ठाउँमा रहेको बनमा सोमबारबाट सुरु भएको आगो मंगलबार निकुन्जको क्षेत्रको बनसम्म फैलिएको थियो ।

आगलागी नियन्त्रणका लागि स्थानीयहरुले रातदिनभरी प्रयास गरेपनि असफल भइरहेका छ्न । आगो नियन्त्रण गर्न नसकी बाहिर जाँदा उक्त आगो निकुन्ज क्षेत्र को जङ्गल सम्म लागेको हो ।सोही क्षेत्रका स्थानीय बताउँछन् ।

निकुन्ज क्षेत्रको वन क्षेत्रमा आगो सल्किएपछि सयौँको संख्यामा बोटविरुवाहरु नष्ट भएका छ्न र आगो नियन्त्रका लागी स्थानीय लगायत , मध्यवती वन उपभोक्ता समिति, नेपाल प्रहरी, शसस्त्र प्रहरी, नेपाली सेना र रारा राष्टिय निकुन्जका वन रक्षकहरु खटेका छ्न आगो भने नियन्त्रणमा आउन नआईसकेको निकुन्ज संरक्षण अधिकारी यज्ञ बहादुर रोकायाले बताउनु भएको छ ।

मंगलबासम्म आगो निकुन्ज क्षेत्रको करिव २० हेक्टर जङ्गल मा फैलिएको संरक्षक अधिकारी रोकायाले जनाउनु भएको छ ।
मध्यवर्ती वनमा कसरी आगलागी भयो त्यो आगो नियन्त्रणमा आएपछि अनुसन्धान भइरहेको निकुञ्जले बताएको छ ।

• Categories
• #मुख्य समाचार