सिन्धुलीमा ९४५ जना काङ्ग्रेसमा प्रवेश, पूर्वमन्त्री गगन थापाद्वारा स्वागत

आगमनखबर संवाददाता

सिन्धुली । नेपाली काँग्रेस सिन्धुली तिनपाटन गाउँ पालिका कार्यसमितिद्वारा आयोजना गरेको बिशाल आमसभामा विभिन्न पार्टी परित्याग गरि ९४५ जना नेपाली काङ्ग्रेसमा प्रवेश गरेका छन ।

सिन्धुली जिल्लाको तीनपाटन गाउँपालिकाको चकमकेमा शनिबार कांग्रेसले आयोजना गरेको बिशाल आमसभाका प्रमुख अतिथि नेपाली कांग्रेस युवा नेता तथा पूर्वमन्त्री गगन थापा र बिशेष अथिति डिला सङ्गौलाले नव प्रबेशीहरुलाई कांग्रेसमा स्वागत गर्नु भएको हो ।

अहिले देशभरी नै कांग्रेस प्रवेश गर्नेहरुको संख्या बढेको छ ।नेकपा सरकारबाट दिक्क लागेर आफुलाई नेकपाको कार्यकर्ता हो भनेर भन्न पनि नसकिने अवस्था सिर्जना भएको कारण नेपालि कांग्रेसमा प्रवेश गर्नुपरेको नवप्रवेशीहरुले बताएका छन् ।

कांग्रेस प्रवेश गर्नेमा राष्ट्रिय प्रजातन्त्र पार्टी (राप्रपा)बाट प्रतिनिधि सभा निर्वाचनमा उम्मेदवार बनेका नानीबाबु कार्कीसहितका स्थानिय नेता तथा कार्यकर्ताहरुले कोङ्रेस केन्द्रीय सदस्य थापाको हातबाट कांग्रेसको सदस्यता लिएका छन् ।

कार्यक्रमलाई सम्बोधन गर्दै कांग्रेस नेता थापाले विभिन्न पार्टीबाट कांग्रेसमा प्रवेश गरेका नवप्रवेशीहरूलाई भेदभाव नराखी क्षमताका आधारमा जिम्मेवारी दिइने आश्वासन दिदै कांग्रेस पार्टी कम्युनिस्ट जस्तो झुठको खेती गर्ने पार्टी नरहेको बताउदै मुलुक निर्वाचनतिर गएको भन्दै चुनावको तयारीमा लाग्न कार्यकर्ताहरूलाई निर्देशन समेत दिएका छन ।