भ्रामक समाचार प्रति NRNA NCC साउदी अरबको गम्भिर ध्यानाकर्षण

आगमनखबर संवाददाता

साउदी । गैर आवासिय नेपाली संघ राष्ट्रिय समन्वय परिषद साउदी अरबले सामाजिक सन्जालमा भएका टिका टिप्पणी र भ्रामक समाचार प्रति गहिरो घोर भ्रत्सना गर्दै दोषी उपर कारबाहिको माग गरेको छ ।

श्रमिक हकहितकालागि बिभिन्न समयमा निरन्तर मानवीय सेवा कार्यहरु गर्दै आइरहेको गैर आवासिय नेपाली संघ राष्ट्रिय समन्वय परिषद साउदी अरबलाई पछील्लो समय केही ब्यक्तीहरुले नकारात्मक भ्रम उत्पन्न गरी सस्थाको गरिमा माथि आच आउने कार्य गरेको हुँदा पत्रकार सम्मेलन गरी घोर भ्रत्सना गर्दै दोषी उपर कारबाहिको माग गरेको हो ।

विश्वभरी फैलाएको कोरोना भाईरसका करण साउदी अरबमा नेपालीहरु माथि निम्त्याएको दु:खद र बिषम परिस्थितीमा हजारौँ संक्रमित हुनुका साथै कैयौंले ज्यान गुमाउनु परेको अवस्था साथै नेपाली श्रमिकहरुलाई रोजगारी समेत गुमाउन परेको असर यथाबत नै छ ।

रोजगारी गुमाउने नेपाली श्रमिकहरुलाई खान र बस्न समेत धौ धौ परेको बेला एनआरएनए साउदीका सम्पूर्ण पदाधिकारीले ठुलो जोखिमा मोलेर मानवीय उध्दार कार्य गर्दै आए। उध्दार कार्यमा निरन्तर सम्बन्धित निकाय र संघ संस्थाहरु संग समन्वय गरी पीडितलाई राहत, उध्दार, राशन, टिकट, पिसिआर टेस्टको लागि सहयोग जस्ता थुप्रै कार्यहरु गर्दै आईरहेको छ ।

गैर आवासिय नेपाली संघ राष्ट्रिय समन्वय परिषद साउदी अरबले गरेको महानकार्य प्रति केही कुपात्रहरुले बिभिन्न सामाजिक सन्जाल मार्फत लान्छाना लगाउने र मिथ्या आरोप वा झुटा प्रचार गर्ने जस्ता दुस्प्रयास गरेको प्रति खेद प्रकट गर्दै पत्रकार सम्मेलन गरेर घोर भ्रत्सना गर्दै दोषी उपर कारबाहिको माग गर्दै प्रेस बिज्ञप्ति समेत जारी गरेको छ।