पदाधिकारी नियुक्ति ढिलाइ प्रक्रिया प्रति शिक्षक हकहित मञ्चको गम्भिर ध्यानाकर्षण

आगमनखबर संवाददाता

काठमाडौं । सरकारले पदाधिकारी नियुक्तिमा गरेको ढिलाइ प्रक्रिया प्रति स्थायी शिक्षक हकहित मञ्चको गम्भिर ध्यानाकर्षण भएको छ  ।

शिक्षक सेवा आयोगको पदाधिकारी नियुक्तिका लागि लोकसेवा आयोगका अध्यक्ष त्रि.वि.का उपकुलपति र शिक्षा सचिवको तीन सदस्यिय समितिले शिक्षक सेवा आयोगमा रिक्त रहेको अध्यक्षमा मधुप्रसाद रेग्मी , सदस्यमा डिल्लिराम रिमाल र नन्दकुमारी मर्हजनलाई सिफारिश गरेको जानकारी कात्तिक २२ गते गराए पनि हालसम्म पदाधिकारी नियुक्तिमा गरेको ढिलाइ प्रक्रिया प्रति गम्भिर रहेको जनाएको  छ ।

शिक्षक सेवा आयोग तयारी गरेर बसेका कैयौ युवा उमेर हदका कारणले सेवा प्रवेशमा समेत बञ्चित हुने अवस्था सृजनाका साथै शिक्षक बढुवा प्रक्रिया नै प्रभावित भएको परिवेशमा तत्कालै पदाधिकारी नियुक्तिको प्रक्रिया अगाडि बढाउन नेपाल सरकारका शिक्षा मन्त्री एवं नेपाल सरकारलाई माग गरेको हो  । 

ई.सि.डी. शिक्षकको व्यवस्थापन , विद्यालय कर्मचारीको व्यवस्थापन , राहत उ.मा.वि. र अस्थायी शिक्षकको व्यवस्थापन , तहगत बढुवा , पेन्सन प्रयोजनका लागि अस्थायी सेवा अवधि गणना , लोकसेवा र शिक्षा सेवा आयोगमा शिक्षकको प्रवेश लगाएतका मुद्याहरुलाई यथाशिघ शिक्षा ऐन निर्माण र कार्यान्वयनको माध्यमबाट सम्बोधन गर्न अनुरोध गरेको छ । 

सम्पूर्ण  शिक्षाकर्मी , शिक्षासँग सरोकार व्यक्तित्व हरुलाई मागप्रति ऐक्यबद्धता जनाई रचनात्मक सहयोगका लागि अनुरोध गरेको छ । नेपाल सरकारले मागप्रति उदासिनता देखाएमा विद्यालय पठनपाठन प्रक्रियालाई अवरुद्ध नहुने गरी आन्दोलनका थप कार्यक्रमहरु सार्वजनिक गर्ने संयोजक रमेश बाबु भट्टराईले जानकारी दिए ।

• Categories
• #शिक्षा