केपी शर्मा ओलीलाई प्रधानमन्त्री नियुक्ति गरिएको सुचनाको वास्तविकता माग

आगमनखबर संवाददाता

माघ ११, काठमाडौं । प्रतिनिधि सभा विघटनसम्बन्धी राजपत्रमा छापिएको सूचनाको आधिकारिकता जाँच्न माग गर्दै सर्वोच्चमा निवेदन परेको छ ।

नेपाल कम्युनिष्ट पार्टी नेकपाको  प्रचण्ड–नेपाल पक्षका नेताहरु देव गुरुङ, कृष्णभक्त पोखरेल, रामकुमारी झाँक्रीलगायतलका नेताहरुले आज आईतवार सर्वोच्च अदालतमा  निवेदन दिएका हुन् ।

गत शुक्रवार प्रतिनिधि सभा विघटनविरुद्व दायर रिटमाथिको सुनुवाईका क्रममा कानून व्यवसायीहरुले राजपत्रमा छापिएको सूचनाको बारेमा प्रश्न उठाएका थिए ।  उनीहरुले सर्वोच्च अदालतसँग संसद विघटन तथा प्रधानमन्त्री ओलीको नियुक्तिका सम्बन्धमा राष्ट्रपति कार्यालयबाट जारी गरिएको सूचनाको वैधता तथा वास्तविकताबारे जानकारी गराउन माग गरेका हुन् ।

• Categories
• #राजनीति