नेपालमा पछिल्लो २४ घण्टामा २ सय ४० जनामा कोरोना संक्रमण

आगमनखबर संवाददाता

काठमाडौ । नेपालमा शनिबार थप २ सय ४० जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार २४ घण्टामा थप ३ हजार ८ सय १९ जनाको पीसीआर गरिएकोमा १ सय ५३ जना पुरुष र ८७ जना महिला गरी जम्मा २ सय ४० जनामा नतिजा पोजेटिभ देखिएको हो ।

योसँगै नेपालमा कोरोना संक्रमितको संख्या २ लाख ६७ हजार ५६ पुगेको छ । पछिल्लो २४ घण्टामा थप ४ सय ७७ जना निको भएसँगै निको हुनेको कुल संख्या २ लाख ६१ हजार ४४ पुगेको मन्त्रालयले जनाएको छ ।

नेपालमा कोरोनाबाट ६ जनाको मृत्यु भएको छ । योसँगै नेपालमा कोरोनाका कारण ज्यान गुमाउनेको संख्या १ हजार ९ सय ५४ पुगेको छ । मन्त्रालयका अनुसार नेपालमा हाल चार हजार ५८ जना आइसोलेसनमा रहेका छन् ।

• Categories
• #स्वास्थ