पार्टी संगठनमा तदारुकता ल्याउन सकृयता बढाउदै युवा नेता रविप्रकाश

आगमनखबर संवाददाता

खोटाङ । पछिल्ला केही महिनादेखि जिल्लाभरि दौडधुपमा लागेर  लागेर जनताको घरदैलोमा पुगेर काङ्ग्रेस निर्माणको अभियानलाइ सशक्त पारिरहेका युवा नेता राई पछिल्ला दिनमा प्रदेश सभा क्षेत्र ‘क’ को ऐसेलुखर्क गाउपालिकामा रहि पार्टीका स्थानीय नेता कार्यकर्ता साथै सर्वसाधारणको घर दैलोमा व्यस्त छन।

अहिले  नेपालको राजनीतिक सरगर्मी सर्लक्कै बढेको छ। वहुमत प्राप्त सत्ताधारी दल, विभाजनको संघरामा पुगेको छ। प्रधानमन्त्रीले पार्टीको आन्तरिक झगडाका कारण सनकका भरमा संसद विघटन गरेका छन।

मुलुक एउटा अर्को अनिश्चितकालीन युगमा प्रवेश गर्ने तय भएको स्थिती छ। यस्तोमा जनताको मतलाई कुल्चेर जनघात गर्न उद्दत कम्युनिष्टको पुरानै हर्कत फेरि उदाङ्गो भएको छ। यहि कम्युनिष्टले गरेको लोकतन्त्र र संविधान माथीको ‘कु’ लाई जनताको घरघर सम्म पुर्याउदै पार्टीको संगठन निर्माणमा व्यस्त छन युवा नेता राई। नेपाली काङ्ग्रेस खोटाङका महासमिती सदस्य समेत रहेका राई कम्युनिष्टहरुले जनता प्रती गरेका ज्यादती, अन्याय र वेतिथिलाई जनता माझ पुर्याएर कम्युनिष्टको असली स्वरुप देखाउन लागि परेको बताउछन। जनता विच छाएको निराशा र मुर्छित सपनालाई व्युझाउन समेत लागि परेको बताउछन। साथै नेपाली काङ्ग्रेस केन्द्रीय समितिको निर्णय अनुसार माघ ३ गते शनिवार गरिने पालिका स्तरिय विरोध कार्यक्रममा ऐशेलुखर्क गाउँपालिकाको नेतृत्व नेता राईले गर्दैछन।

• Categories
• #मुख्य समाचार