प्रतिनिधिसभा विघटन विरुद्धको आन्दोलनमा सहभागी हुन कांग्रेसको अपिल

आगमनखबर संवाददाता

काठमाडौँ । प्रमुख प्रतिपक्षी दल नेपाली कांग्रेसका सभापति शेरबहादुर देउवाले  प्रतिनिधि सभा विघटनविरुद्ध ७ सय ५३ वटै स्थनीय तहमा भोलि हुने विरोध प्रदर्शनमा सहभागी हुनका लागि अपिल गरेका छन् ।

शुक्रबार एक बिज्ञप्ति जारि गर्दै कांग्रेसले सबैलाई सरकार विरुद्धको आन्दोलनमा सहभागी हुनको लागि अपिल गरेको हो ।

‘भोलि माघ ३ गते ७५३ स्थानीय तहमा निर्धारित विरोध प्रदर्शन सक्रिय सहभागिता साथ प्रभावकारी रुपले सफल बनाउन म सबैमा हार्दिक अपील गर्दछु । संसद विघटनको कार्यलाई हामीले असंवैधानिक र अलोकतान्त्रिक ठहर गरेका छौं । संविधानमा भएको व्यवस्था प्रतिकुल , जनभावना विपरीतको कार्य विरुद्ध नेपाली कांग्रेस एकमतका साथ उभिएको छ ।’ नेपाली कांग्रेसद्धारा विज्ञप्तिमा भनिएको छ ।

कांग्रेसले यसअघि १ सय ६५ प्रतिनिधि सभा निर्वाचन क्षेत्रमा पुस १३ गते र ३ सय ३० प्रदेश सभा निर्वाचन क्षेत्रमा पुस २५ गते विरोध प्रदर्शन गरिसकेको छ ।

• Categories
• #मुख्य समाचार