कक्षा १ देखि १२ सम्म नयाँ पाठ्यक्रम लागू गर्न बाटो खुला

आगमनखबर संवाददाता

काठमाडौँ । सर्वोच्च अदालतले विद्यालय तह (कक्षा १ देखि १२ सम्म) नयाँ पाठ्यक्रम लागू नगर्न भन्दै परेको रिट खारेज गरि दिएसँगै अब नयाँ पाठ्यक्रम लागू गर्न बाटो खुला भएको छ । न्यायाधीश तेजबहादुर केसी र प्रकाशनकुमार ढुङगानाको इजलासले सो रिट खारेज गर्ने निर्देशनात्मक आदेश दिएको सर्वोच्च अदालतका प्रवक्ता भद्रकाली पोखरेलले जानकारी दिनुभएको हो ।

यस अघि नयाँ पाठ्यक्रम लागू गर्न रोक लगाउने माग गर्दै भागवत अर्याल लगायत सात जनाले रिट दायर गर्नुभएको थियाे । साे रिट खारेज भएसँगै विद्यालय स्तरमा चरणवध्द रूपमा नयाँ पाठ्यक्रम अनुसार पढाउने वा पुरानाे भन्ने अन्याैल अन्त्य भएकाे छ ।

• Categories
• #शिक्षा