गिरिजा प्रसाद कोइराला फाउण्डेशन अमेरिकाद्वारा स्वागत ,नेपाली समुदायमा क्यालेण्डर वितरण

आगमनखबर संवाददाता

अमेरिका। न्यूयोर्क गिरिजा प्रसाद कोइराला फाउण्डेशन अमेरिका च्याप्टरको कार्यालयमा नेपाल आदिवासी जनजाति महासंघ अमेरीका (फिप्ना) का अध्यक्ष लोक चेम्जोङ, कोषाध्यक्ष चोन्जोम लामा र युनाइटेड कीरात राई संघ अमेरिका-न्युयोर्कका अध्यक्ष केशब राम राईलाइ फाउण्डेशनका अध्यक्ष सोमनाथ घिमिरेले फाउण्डेशनको कार्यालयमा स्वागत गरेका छन्।

नेपाल आदिवासी जनजाति महासंघ अमेरीका ( फिप्ना) द्वारा सन २०२१ / वि.स. २०७७/०७८ सालको क्यालेण्डर प्रकाशन गरेकोमा फाउण्डेशनका अध्यक्ष घिमिरेले बधाई दिदै अमेरिकावासी सबै नेपाली एक भएर नेपालीहरुको हक, हित र अधिकारका लागी लड्न आबस्यक रहेको बताए। गिरिजा वावुकै मुल मन्त्र: सहमति, सहकार्य र एकतालेनै अमेरिका, नेपाल र अन्य देशमा बस्ने हामी सबैको भविष्य झन अझै राम्रो हुनेछ, वॅंहाले भन्नु भयो। अमेरिकाको सवालमा फाउण्डेशनले फिप्ना लगायत विभिन्न संघ-संस्थाहरु सॅंग सहकार्य गर्न सधै तयार रहेको बताए ।

कार्यक्रममा बोल्दै फिप्नाका अध्यक्ष लोक चेम्जोङले फाउण्डेशनले गरेको स्वागतमा हर्षीत हुदै फाउण्डेशन आफ्नै कार्यालय सुरु गरेकोमा बधाई दिनु भयो र क्यालेण्डरमा मुख्य गरेर नेपाली राष्ट्रीय चाडपर्वहरू, नेपाली आदिवासी जनजातिहरूको पहिचान साथै फिप्नाको नियमित वार्षिक गतिविधिहरू समेटिएर प्रकाशन गरीएको अध्यक्ष लोक चेम्जोङले प्रष्टाउनु भयो। हामीले सम्पूर्ण नेपाली अमेरीकन समुदायमा हाम्रो क्यालेण्डर वितरण गर्ने उदेश्य राखेकाछौ, वॅंहाले भन्नु भयो।

कार्यक्रमको भेटवार्तामा अमेरिका वासी नेपालीहरुको समस्याको समाधानका बारेमा र सामाजिक विषयमा छलफल भएको थियो। स्मरण रहोस फाउण्डेशनले अमेरिकी सरकार(फेडेरल, स्टेट, सिटि र लोकल)का निर्वाचित अधिकारीहरू सॅंग सहकार्य गर्दै आएको जनाएको छ ।

गिरिजा प्रसाद कोइराला फाउण्डेशन अमेरिका च्याप्टरको कार्यालयमा फिप्नाका अध्यक्ष लगायत अन्य कार्यकारी बोर्ड सदस्यहरु लाई स्वागत गर्न पाएकोमा फाउण्डेशनका उपाध्यक्ष शुवर्ण लामाले र्प्रशन्नता व्यक्त गर्दै आभार प्रकट गरेका छन् ।

कार्यक्रममा फाउण्डेशनका उपाध्यक्ष सुवर्ण लामा, एन आर एन आइ सि सि पुर्व सदस्य आड निमा ग्याल्जे शेर्पा, ने.का. युवा नेता ज्ञानल थापा लगायतको उपस्थिती रहेको थियो।

• Categories
• #देश–विदेश