मृतक खत्रीको श्रीमतीलाई वैदेशिक म्यादी विमा अन्तर्गतको चेक हस्तान्तरण

यज्ञ कुमार राई

खोटाङ । नेपाल लाईफ इन्स्योरेन्स उपशाखा दिक्तेलले साकेला गाउँपालिका ३ का कुल बहादुर खत्रीको श्रीमतीलाई वैदेशिक म्यादी विमा अन्तरगत १३,००००० लाख बराबरको चेक हस्तान्तरण गरेको छ ।

वैदेशिक रोजगारीको लागि मलेसिया पुगेका खत्रीको २०७६ साल चैत २६ गते मोटरसाइकल दुर्घटनामा परी मलेसियामा मृत्यु भएको थियो।

खत्रीको मृत्युको खवर पाए पछि मृतकको दिवंगत आत्माको चिरशान्तिको कामना गर्दै नेपाल लाईफ इन्स्योरेन्स कम्पनीले

साकेला गाउँपालिका स्थित खिदिमाको शिदेश्वरि माबिमा एककार्यक्रम गरी मलेसियामा भएको मोटरसाइकल दुर्घटना दाबी चेक हस्तान्तरण गरेको हो ।

नेपाल लाईफ इन्स्योरेन्स कम्पनीको उपशाखा दिक्तेलका प्रमुख मिलन राईको सभापतित्वाम र प्रमुख साकेला गाउँपालीकाका अध्यक्ष झनकार खड्काको प्रमुख अतिथि रहेको कार्यक्रममा शिदेश्वरि माबिका प्र. अ. युवराज कट्वालको विशेष अथिति रहेको कार्यक्रममा विभिन्न पार्टीका जन प्रतिनिधिहरुको उपस्थित रहेको थियो ।

उक्त आयोजित कार्यक्रममा नेपाल लाईफ इन्स्योरेन्स कम्पनीको उपशाखा कार्यालय दिक्तेलका प्रमुख मिलन राईले मृतक खत्रीको श्रीमती सीता खत्रीलाई चेक हस्तान्तरण गरेका छन ।

मृतक खत्रीले नेपाल लाईफ इन्स्योरेन्सबाट वैदेशिक रोजगारीको म्यादी जीवन विमा अन्तरगत दस लाखको म्यादी जीवन बिमा गराए बापत दस लाख, अतिरिक्त भएको नोक्सानी स्वरूप दुई लाख र किरीया खर्च एक लाख गरि जम्मा १३,००००० तेह्र लाख रुपैयाँ भएकोमा मृतकको श्रीमतीको नाममा १६,२५९ र छोरीको नाममा जीवन ज्योति बिमाको ५०,१३२ र छोराको नाममा जीवन ज्योति विमा५०,३८४ कटाएर बाकी रकम ११,८३,२२५ बराबरको चेक खत्रीको श्रीमती सीता खत्रीलाई नेपाल लाईफ इन्स्योरेन्स लिमिटेड उपशाखा दिक्तेलका प्रमुख मिलन राईले हस्तान्तरण गरेका हुन ।

चेक हस्तान्तरण गर्दै प्रमुख मिलन राईले नेपालको सबैभन्दा ठुलो चुक्ता पुजि भएको जीवन बिमा कम्पनी नेपाल लाइफ इन्स्योरेन्स कम्पनी लिमिटेड सबैको लागि जीवन बिमा अनिबार्य छ किनकी जीवन अमुल्य छ भन्ने मुल नाराका साथ प्रत्येक ब्यक्तिको जीवन बिमा आवाश्यक भएको बताए ।