खोटाङ हलेसी तुवाचुङमा अस्थायी कोभिड अस्पताल उद्घाटन

आगमनखबर संवाददाता

खोटाङ – खोटाङको हलेसी तुवाचुङ नगरपालिकाद्वारा निर्माण स्वास्थ्य चौकीको अस्थायी कोभिड अस्पतालमा डाक्टर सहितको पाँच शैयाको अस्पतालमा कोरोना संक्रमितहरुको उपचार हुने भएको छ।

कोरोना भाइरसको महामारीलाई मध्यनजर गर्दै हलेसी तुवाचुङ नगरपालिकाले नागरिकको स्वास्थ सुरक्षाका लागि हलेसी तुवाचुङ नगरपालिका वडा नम्बर ५ दुर्छिम स्थित अस्थायी कोरोना कोभिड अस्पताल सञ्चालनमा ल्याएको र त्यही बाट अन्य बिमारीको पनि डाक्टर सहितको (ओपिडि) सेवा सुविधा दिने नगर उपप्रमुख विमला राईले बताउनुभयो।

उक्त अस्पतालमा अहिले आइसोलेसनका लागि शैया मात्र राखिएको र अब कोभिड अस्पतालमा अरु उपचार कक्ष र भेन्टिलेटरसहितको उपकरण थप्ने नगरपालिकाका प्रमुख ईवन राईले बताए ।

कोरोनाले विश्वभर पारेको प्रभावका बारेमा अध्ययनपछि हलेसी तुवाचुङ नगरपालिकाले छुट्टै कोरोना उपचार अस्पताल निर्माणको पहल गरेको थिएँ’, नगरपालिकाका प्रमुख ईवन राईले भने, ‘कोभिड अस्पताल सञ्चालनमा ल्याउन यसबीचमा धेरै अवरोधको सामना गर्नु पर्यो।’

बिहीबार हलेसि तुवाचुङ नगरपालिका वडा नम्बर ५ दुर्छिमको हेल्थ पोस्ट स्थित भएको एक कार्यक्रमकाविच नगरपालिकाका प्रमुख ईवन राई र उपप्रमुख बिमला राईले उक्त अस्पतालको रिवन काटेर उद्घाटन गरेका छन् ।

वडाध्यक्ष रमेश तिवारीको सभापतित्वमा र नगर प्रमुख ईवन राईको प्रमुख अतिथित्वमा सम्पन्न भएको सो कार्यक्रममा पालिकाका सबै वडाका अध्यक्ष र स्थानीय राजनीतिक दलका प्रतिनिधिहरुको उपस्थिति रहेको थियो ।

• Categories
• #स्वास्थ