क्यानाडामा ट्रकको ठक्कर बाट एक नेपालीको मृत्यु

आगमनखबर संवाददाता

क्यानाडा। क्यानाडामा सडक दुर्घटनामा परी एक नेपाली युवाको निधन भएको छ ।

रोजगारको शिलशिलामा ६ महिना अघि मात्र क्यानाडको हेमिल्टन शहरमा आइपुगेका नवलपरासी गैडाकोटका हरी अधिकारीको सडक दुर्घटनामा परी निधन भएको गैरआवासीय नेपाली संघ क्यानाडाका अध्यक्ष चिरन्जिबी घिमिरेले आगमनखबर डटकमलाई जानकारी दिनुभयो ।

नोवेम्बेर १६ मा बिहान ९ः३० बजे हेमिल्टन शहरमा बाटो क्रश गर्ने क्रममा ट्रकले ठक्कर दिदा घाइते भएका अधिकारीको टाउकोमा गम्भीर चोट लागेकाले हेमिल्टन शहरको स्थानीय अस्पतालमा उपचार गर्ने क्रममा आज मृत्यु भएको अस्पतालले जनाईएको छ ।

गैरआवासीय नेपाली संघ क्यानाडाले मृतक अधिकारीको दुर्घटनामा परी निधन भएको घटना बारे नेपाली दुताबासमा जानकारी गराई आबस्यक सहयोगको लागी तयार रहेको अध्यक्ष घिमिरेले बताउनु भयो।

• Categories
• #दुर्घटना
• #देश–विदेश