कांग्रेस एउटा ब्यक्ति होईन लाखौं सहिदको बलिदानले बनेको संस्था हो – युवा नेता पौडेल

आगमनखबर संवाददाता

काठमाडौं। प्रमुख प्रतिपक्ष दल नेपाली कांग्रेसका युवा नेता प्रदिप पौडेलले नेपाली कांग्रेस एउटा ब्यक्ति नभई लाखौं सहिदको बलिदानले बनेको संस्था भएकोले ईतिहासकै असफल ओली सरकारसॅग सम्झौता नगरियोस् भनेका छन् ।

प्रधानमन्त्री केपी शर्मा ओलीले कांग्रेस सभापति शेरबहादुर देउवासँग सत्तासाझेदारीको कुरा गरेको समाचार धमाधम आइरहेको बेला युवा नेता पौडेलले कांग्रेस ५ बर्ष प्रतिपक्षको भूमिकामा विपक्षमै रहने बताएका हुन् ।

आइतवार सामाजिक सञ्जाल ट्वीटरमा सन्देश लेख्दै नेता पौडेलले हामीले बारम्बार ओली प्रवृतिलाई इन्कार गरेका छौं। केन्द्रिय समितिले ओलि सरकारले वैद्यता गुमाईसकेको निणर्य गरिसकेको छ। जन नजरमा ईतिहासकै असफल ओली सरकारसॅग सम्झौता नगरियोस्। हेक्का रहोस् कांग्रेस एउटा ब्यक्ति होईन लाखौं सहिदको बलिदानले बनेको संस्था हो।पॅाच बर्ष हामी प्रतिपक्षमा रहन्छौ उनले लेखेका छन् ।

सरकारको नेतृत्वकर्ता दल (नेकपा) भित्रको विवाद उत्कर्षमा पुगेको समयमा प्रधानमन्त्री एवं नेकपा अध्यक्ष ओलीले शनिवार प्रमुख प्रतिपक्षी दल नेपाली कांग्रेसका सभापति देउवासँग लामो भेटवार्ता गरेका थिए ।

• Categories
• #राजनीति