सुरक्षा निकायका प्रमुखहरुसङ्ग प्रधानमन्त्रीको सामुहिक छलफल, छलफलमा कोको उपस्थित थिए?

आगमनखबर संवाददाता

काठमाडौँ । सत्तारुढ दल नेपाल कम्युनिस्ट पार्टी (नेकपा)का अध्यक्ष एवं प्रधानमन्त्री केपि शर्मा ओलिले आईतबार आफ्नै निवाश बालुवाटारमा सुरक्षा निकायका प्रमुखहरुसङ्ग सामुहिक छलफल गरेका छन ।

प्रधानमन्त्री निवास बालुवाटारमा सम्पन्न भएको उक्त सामुहिक छलफल कार्यक्रममा नेपाली सेना, सशत्र प्रहरि बल, नेपाल प्रहरी लगायत राष्ट्रीय अनुसन्धान बिभागका प्रमुखहरु उपस्थित रहेको बताईएको छ। 

मुलुकमा पछिल्लो समय देशको प्रमुख राजनितिक दल नेकपामा आन्तरिक विवाद चर्किदैँ गएको बेलामा पार्टिका अध्यक्षसमेत रहेका प्रधानमन्त्री ओलिले देशको सुरक्षा प्रमुखहरूलाई बोलाएर छलफल कार्यक्रम सम्पन्न गर्नुभएको छ। 

सामुहिक छलफल  कार्यक्रममा नेपाली सेनाका प्रधानसेनापति पूर्णचन्द्र थापा, नेपाल प्रहरीका प्रहरी महानिरीक्षक शैलेश थापा क्षेत्री, सशस्त्र प्रहरी बलका महानिरीक्षक शैलेन्द्र खनाल र राष्ट्रिय अनुसन्धान विभागका प्रमुख डा. गणेश अधिकारीको उपस्थिति रहेको थियो । 

तर  सुरक्षा निकायका प्रमुखहरुसँग प्रधानमन्त्रीले के के विषयमा छलफल गर्नुभएको हो भन्ने सार्वजनिक गरिएको छैन ।  

• Categories
• #मुख्य समाचार
• #राजनीति