सरकारबाट प्रतिबन्धित ‘बिप्लव’ समुहका दुई कार्यकर्ताहरु ललितपुरबाट पक्राउ

आगमनखबर संवाददाता

ललितपुर । ललितपुरको बागडोलबाट बिप्लव नेतृत्व नेकपाको २ जना कार्यकर्ताहरु पक्राउ परेका छन। सरकारबाट प्रतिबन्धित बिप्लव समुहका दुई कार्यकर्ताहरुलाई शुक्रबार राति ललितपुरको बागडोलबाट पक्राउ गरिएको बताईएको छ।

महानगरिय प्रहरी परिसरका अनुसार पक्राउ पर्नेहरूमा दोलखा जिल्ला बिगु गाउँपालिका–३ घर भई हाल ललितपुर–४ बागडोल बस्ने ३९ वर्षीय संजिव नेपाली र दोलखा जिल्ला बैतेश्वर नगरपालिका–३ घर भई हाल बागडोल बस्ने ४१ वर्षीय प्रेम बहादुर दर्नाल रहेका छन।

पक्राउ पर्ने प्रेम बहादुर दर्नाल विप्लव समूहको केन्द्रीय आर्थिक विभागको सदस्य र नेपाली सेक्रेटरी रहेको बताइएको छ । उनीहरुलाई नियन्त्रणमा लिएर थप अनुसन्धान भइरहेको प्रहरीले जनाएको छ ।

• Categories
• #मुख्य समाचार
• #राजनीति