मालपोत कार्यालय दाङका नासु र कार्यालय सहयोगी घुस रकम सहित रंगेहात पक्राउ

आगमनखबर संवाददाता

दाङ । मालपोत कार्यालय दाङका नायव सुब्बा पुष्पराज गिरी र कार्यालय सहयोगी मिनराज गैरेलाई अख्तियार दुरुपयोग अनुसन्धान आयोगको सम्पर्क कार्यालय बाँके, नेपालगञ्जले घुस रकम सहित पक्राउ गरेको छ ।

तुलसीपुर उपमहानगरपालिका वडा नम्बर ६ स्थित मालपोत कार्यालयबाट अख्तियारको टोलीले ३ लाख २० हजार रुपैयाँ घुस रकम सहित रंगे हात पक्राउ गरेको हो । 

सुकुम्बासी जग्गा नापजाँच गरी पुर्जा उपलब्ध गराउने बहानामा सेवाग्राहीसँग पैसा लिदै गर्दा पक्राउ गरिएको अख्तियारको सम्पर्क कार्यालय नेपालगञ्जका सूचना अधिकारी लोकमणि पाण्डेले जानकारी दिए ।

उनीहरुलाई अहिले नियन्त्रणमा लिएर नेपालगञ्ज लगिएको जानकारी दिए । 

अख्तियार दुरुपयोग अनुसन्धान आयोगको नेपालगञ्ज सम्पर्क कार्यालयले दाङ, बाँके र बर्दियामा भएको भस्टचारको निग्रानी गर्दछ । 

• Categories
• #अपराध
• #अर्थतन्त्र