पत्रकार गौतमको निधनप्रति कांग्रेस प्रबक्ता शर्माद्वारा दु:ख ब्यक्त

आगमनखबर संवाददाता

काठमाडौँ । नेपाली कांग्रेसका प्रबक्ता एवम युवा नेता बिस्व प्रकाश शर्माले कान्तिपुरकर्मी गोकर्ण गौतमको निधन प्रति गहिरो दु:ख ब्यक्त गरेका छन । 

शर्माले सामाजिक संजालमा टुइट गर्दै भनेका छन, केवल ३१ बर्षका होनहार पत्रकार गोकर्ण गौतमको निधनले दुखित तुल्याएको छ ।मस्तिष्कको नशा सल्यक्रिया क्रममा जीवन गुमाएका गौतमको आत्मालाई शान्ति मिलोस् स्वर्गमा l ब्यक्तिगत परिवारजन, आवद्ध कान्तिपुर दैनिक एवं सबै पत्रकार मित्रहरूमा हार्दिक समवेदना l 

गौतमको मष्तिष्कको नशामा समस्या आएपछि शल्यक्रिया गर्दा रक्तश्राव भइ बिहीबार बिहान निधन भएको थियो ।

कला,साहित्य सम्बन्धी कान्तिपुर दैनिकमा कलम चलाउँदै आएका पत्रकार गौतमको बिहीबार बिहान साढे ११ बजे बाँसबारीस्थित उपेन्द्र देवकोटा मेमोरियल नेशनल इन्स्टिच्युट अफ न्युरोलोजिकल एन्ड एलाइड साइन्सेस (न्युरो अस्पताल)मा निधन भएको हो । 

मष्तिष्कको नशामा समस्या आएपछि उनी सोमबार अस्पताल भर्ना भएका थिए ।

३१ वर्षीय पत्रकार गौतम समसामियक विषयवस्तु तथा सामजिक विषयहरुमा पनि कलम चलाउँथे ।

गौतमको आजै पशुपति आर्यघाटमा अन्त्येष्टि भएको छ  ।

• Categories
• #सम -सामयिक