नेप्सेमा नयाँ रेकर्ड: एकैदिन ६ अर्ब बढिको कारोवार

आगमनखबर संवाददाता

काठमाडौं । नेपाली सेयर बजारले नयाँ रेकर्ड कायम गर्न सफल भएको छ। आज साताको बिहिबार शेयर कारोबार रकम झण्डै ६ अर्ब बढी भएको हुनाले नयाँ रेकर्ड कायम भएको हो।

नेपाल स्टक एक्सचेञ्ज (नेप्से) का प्रवक्ता मुराहरी पराजुलीका अनुसार सेयर कारोबार रकमले नयाँ रेकर्ड कायम भएको छ। यो भन्दा अगाडि शेयरको अधिकतम रकम ४ अर्ब ८५ करोड रुपैयाँ थियो। कुनै बेला एघार सय पुगेको नेप्से परिसुचक अहिले १८ सयमा उकालो लागेको छ।
नेप्सेमा सकारात्मक नतिजा आईरहेको हुनाले लगानिकर्ताहरु खुशी भएका छन।

दिनभर भएका ५६ हजार ३ सय ४१ कारोबारबाट १ सय ९८ कम्पनीका १ करोड ४० लाख ६२ हजार ५ सय ७ कित्ता सेयर किनबेच भएका छन् ।

बिहिबार उक्त कारोवार भएसङ्गै जम्मा कारोवार रकम ६ अर्ब ११ करोड ६७ लाख ३० हजार ७१ रुपैयाँ पुगेको छ । यो नेपाली सेयर बजारको इतिहासकै सबैभन्दा धेरै हो ।

• Categories
• #सेयर मार्केट