हलेसी तुवाचुङ नगरपालिकाद्वारा कृषकलाई बीउबिजन तथा कृषि सामग्री वितरण

यज्ञ कुमार राई

खोटाङ ।खोटाङको हलेसी तुवाचुङ नगरपालिकाले कृषकलाई बीउबिजन तथा कृषि सामग्री वितरण गर्ने भएको छ ।

हलेसी तुवाचुङ नगरपालिका १० अर्खोउलेमा कृषि सामाग्री बितरण कार्यक्रम भुमी ब्यबस्था तथा कृषि सहकारी राज्य मन्त्री राम बहादुर रानाको प्रमुख आतिथ्यमा सम्पन्न भएको हो ।

सुख्खा क्षेत्रका कृषकहरुको जीविकोपार्जनका लागि बीउबिजन तथा कृषि सामग्री वितरण गर्न थालेको हो ।

नगरपालिकाको विशेष अनुरोधमा एसडिसिको दुई करोड ४४ लाख वरावरको आर्थिक सहयोग तथा कारितास नेपाल र नवकिरण सेवा समाज नेपालको सहजिकरणमा मंगलबारदेखी अर्खौलेबाट बीउबिजन तथा सामग्री वितरण थालिएको छ ।

वितरणको पहिलो दिन अर्खौलेका कृषकहरुलाई हिलटेक, प्लाष्टिक टनेल, सिड स्प्रे, हजारी र बीउबिजन वितरण गरिएको छ । अर्खौलेमा ३२५ जना कृषकलाई बीउबिजन र कृषि सामग्री वितरण गरिनेछ ।

त्यहाँका कृषकहरुलाई प्रदेश १ का भूमी ब्यबस्था कृषि तथा सहकारी मन्त्री रामबहादुर राना, नगरप्रमुख इवन राई, उपप्रमुख विमला राईले वितरण गरेका थिए ।

अब क्रमशः अन्य वडाहरुका कृषकलाई बीउबिजन तथा कृषि सामग्री हस्तान्तरण गरिदै लैजाने नगरप्रमुख इवन राईले बताए । राईका अनुसार ४ हजार ५३ घरपरिवारलाई बीउबिजन र कृषि सामगी वितरण गरिनेछ ।

बाहुनीडाँडामा ३९४, डिकुवामा ३८०, च्यास्मिटारमा ३९७, वडहरेमा २८८, दुर्छिममा ४५४, मंगलटारमा ३४०, महादेवस्थानमा ३३३, धितुङमा ३४५, सल्लेमा २१६ र राजापानीमा ५८१ जना कृषकलाई प्लाष्टिक टनेल, हजारी, हिलटेक, सिड स्प्रे तथा बीउबिजन सामग्री वितरण गरिनेछ ।