अमेरिकी राष्ट्रपति निर्वाचन: ट्रम्पवादलाई हराउन डेमोक्रेटलाई सकस

आगमनखबर संवाददाता

अमेरिका ।अमेरिकाको राष्ट्रपति निर्वाचनमा सबै मतहरू गनिसक्दा बहालवाला राष्ट्रपति डोनल्ड ट्रम्पको हार हुनसक्ने देखिएको छ । तर ट्रम्पवादलाई यस निर्वाचनले हराउन सकेको छैन ।

डेमोक्रेटहरूले चार वर्षको अव्यवस्था, परम्परा तथा संस्थाहरूमाथिको आक्रमण, झूटोको शृंखला अनि २ लाख ३० हजारभन्दा बढीको ज्यान लिने महामारीका कारण ट्रम्पले बेइज्जती तवरले हार्ने आशा डेमोक्रेटकहरूले गरेका थिए ।

बाइडनले प्रचण्ड बहुमत ल्याएर जितेको भए देशले एक किसिमको दिशा समातेको स्पष्ट हुन्थ्यो । रिपब्लिकन पार्टीलाई सुधार गर्नका लागि यसले पाठ पढाउँथ्यो ।

तर मतसर्वेक्षकहरूको सबै अनुमानलाई धज्जी उडाउँदै रिपब्लिकनहरूले चुनावमा राम्रो प्रदर्शन गरे । ट्रम्पले फ्लोरिडा, टेक्सस र अन्य राज्यमा मत वृद्धि गरे । उनले अघिल्लो निर्वाचनमा भन्दा बढी नै गोरा कामदार वर्गको भोट ल्याए र ल्याटिनो भोटरमा डेमोक्रेटिक पार्टीको पकडलाई हडप्यो । ट्रम्पको चुनावी अभियानमा निकै धेरै उत्साह देखियो ।

सन् २०१६ मा उनको विजय काकतालीले हैन अनि यसमा भ्लादिमिर पुटिन वा जेम्स कोमीको योगदान छैन भन्ने पाइयो । सन् २०२० मा उनका लिंगभेदी, जातिवादी र झूटो बोल्ने प्रवृत्तिलाई वैधता प्राप्त भएको जस्तो देखिएको छ ।

केही अमेरिकीहरूले हामी यस्ता छैनौं’ भने । तर ट्रम्प मतदाताहरूले जवाफ फर्काए, ‘हामी यस्तै हौं र हामी कतै पनि जाने छैनौं ।

‘ट्रम्पको शासनशैलीमा नैतिक प्रश्न उठेको भनी हल्ला गरिएको भए पनि त्यसले रिपब्लिकन पार्टीमा उनको समर्थनलाई कुनै फरक पारेको देखिएन प्रिन्सटन विश्वविद्यालयका प्राध्यापक एड्डी ग्लाउडले बताए । उल्टो श्वेत मतदातामाझ उनको आधार बढेका छन् । ट्रम्प लोभस्वार्थीपन र जातिवादको मिश्रणमा मौलाइरहेका छन् ।

ट्रम्पले चुनाव जिते भने पनि ट्रम्पवाद विजयी हुन्छ । ट्रम्पले हारे भने पनि ट्रम्पवाद विजयी हुन्छ ।