पर्यटकीय नगरी पोखराको आकाशमा जे देखियो !

आगमनखबर संवाददाता

पोखरा। दसैंअघि सुनसानजस्तै भएको पोखरामा नेपाल हवाइ उडान संस्थाले प्याराग्लाइडिङमा छुटसहितको प्याकेज उपलब्ध गराएपछि पर्यटकीय नगरी पोखराको आकाशमा प्याराग्लाइडिङ गर्न आन्तरिक पर्यटक उत्साहित भएका छन् ।

लेकसाइडमा ३–४ दिनयता आन्तरिक पर्यटकको चहलपहल बढेको छ । दसैंको टीका थापेर घुम्न निस्किएकाहरू छ्याङ्ङ खुलेको हिमाल देखेर मक्ख छन् । 

सराङकोट, काहुँडाँडा, शान्ति स्तूपमा पर्यटक पुग्छन् । ताल किनारमा काठमाडौं, बुटवल, चितवनलगायत सहरबाट घुम्न आउनेहरू भेटिन्छन् । प्रायः निजी गाडी र मोटरसाइकलमा घुम्न आउनेको चहलपहलले लेकसाइड यतिखेर गुल्जार देखिन्छ ।

• Categories
• #मनोरञ्जन