स्वास्थ मापदन्ड अपनाइ दसैं मनाउन नगरप्रमुख खाँणको आग्रह

आगमनखबर संवाददाता

स्याङ्गजा । वालिङ्ग नगरपालिका नगर प्रमुख दिलीप प्रताप खाँणले हिन्दु धर्मावलम्बीहरूको माहान चाड बिजया दशमी तथा शुभ दीपावलीको पावन अबसरमा सम्पूर्ण देश बिदेशमा रहनु हुने समस्त नेपाली दाजु भाई दिदि बहिनि बुवा आमा तथा सम्पूर्ण हिन्दु धर्मावलम्बीहरूलाई बिजया दशमीको शुभकामना ब्यक्त गर्दै स्वास्थ मापदन्ड अपनाइ दसैं मनाउन आग्रह गरेका छन ।

खाँणले शुभकामना सन्देश मार्फत संसारभरि रहेका सम्पूर्ण नेपालीहरुमा सुस्वास्थ्य एवम दिर्घायुको उत्तरोत्तर प्रगतिको समेत कामना गरेका छन ।

सन्देशमा विश्वव्यापी महामारी कोरोनाभाइरस कोभिड १९का कारण मानव जातिले नैं त्रासदीपूर्ण संकट झेलिरहेको अवस्थामा उच्च मनोबलका साथ सुरक्षित रही स्वास्थ मापदन्ड अपनाइ समाजीक दुरी कायम गरी दसैं मनाउन सम्पूर्ण नगरबासी लगायत देश बिदेशमा रहनु हुने समस्त नेपालीजनहरुलाई आग्रह गरेका छन ।

खाँणले कोरोनाको विश्वव्यापी महामारीको प्रभाव बढ्दै जाँदा सबै देश प्रभावित भएको अबव्थामा संक्रमणका कारण ज्यान गुमाउनु हुने सबैको आत्माको चीर शान्तिको कामना गर्दै शोक सन्तप्त परिवारजनमा हार्दिक समवेदना व्यक्त गर्दै सक्रिय संक्रमितको शिघ्र स्वास्थलाभको कामना समेत गरेका छन् ।

खाँणले नेपाल सरकारले कोभिड -१९ को परिक्षण र संक्रमित नागरिकले उपचार समेत आफ्नै खर्चमा गर्नु पर्ने भनि गरेको निर्णयले सरकार जनताका प्रति सम्वेदनसील नदेखिएको यो अबस्थामा यस नगरपालिकाका नागरिकलाई आधारभूत स्वास्थ्य सेवा नगरपालिकाले निःशुल्क गर्ने  साथै आकस्मीक स्वास्थ सेवावाट स्थानीय सरकारले कोही कसैलाई भेदभाव नगरि सम्मानपूर्वक महामारीको सामना गर्ने बताएका छन् ।

• Categories
• #सम -सामयिक