• शनिवार, फाल्गुण-१५,२०७७ |
  • तपाईंको आगमन
  • हाम्रोबारे
  • हाम्रो समूह
  • सम्पर्क पृष्ठ

तपाईं यो पोष्ट साझा गर्न सक्नुहुन्छ!

  • 2.1K
    Shares
हिम शाह

रुकुम पश्चिममा सत्तारुढ नेपाल कम्युनिस्ट पार्टी (नेकपा)का नेता तथा कार्यकर्ताहरूले पार्टी छाडेर नेपाली कांग्रेसमा प्रवेश गरेका छन् ।

चौरजहारी नगरपालिका–४ अमलाटाकुरामा आयोजित पार्टी प्रवेश कार्यक्रममा नेकपाका २७ जना स्थानीय नेता तथा कार्यकर्ताहरू कांग्रेसमा प्रवेश गरेका हुन् । उनीहरूलाई रुकुम पश्चिम कांग्रेसका नेताहरूले पार्टीमा प्रवेश गराएका हुन् ।

रुकुम पश्चिम तत्कालीन माओवादीको लालकिल्लाका रुपमा परिचित छ । कम्युनिस्टहरूले झण्डै दुईतिहाइको बहुमत पाउँदा पनि जनताका दुःख कष्ट समाधानतिर ध्यान नदिएर व्यक्तिगत लाभमा लागेपछि नेकपाका स्थानीय नेता तथा कार्यकर्ताहरू कांग्रेसमा प्रवेश गरेका हुन् ।

कांग्रेस प्रवेश गरेका नेकपाका नेता तथा कार्यकर्ताहरूले कम्युनिस्टमा लागेर ठूलो भुल गरेको बताएका छन् । उनीहरूले नेपाली कांग्रेस मात्रै सिद्धान्त र सबै कुराले असल पार्टी भएको बताएका छन् ।

नेकपा परित्यास गरेर कांग्रेस प्रवेश गर्नेमा नरबहादुर घर्ती, त्रिबहादुर घर्ती, गोपाल घर्ती, मानबहादुर घर्ती, गंगाराम घर्ती, केवल बुढा, डिले पुन, चित्रबहादुर थापा, अतिराम पुन, नेत्रबहादुर पुन, ओमप्रकाश टमटा, खिमबहादुर पुन, आइते घर्टी, मदु राना रहेका छन् ।

त्यसै गरी, सार्के कामी, नैनसिंह थापा, भर्दे राणा, ओम्ल घर्ती, कमला घर्ती, चन्द्रबहादुर घर्ती, जितबहादुर थापा, मंगी पुन, सुवास विक, पूर्ण घर्ती, कुलबहादुर पुन, टंकबहादुर परियार र सुरेश परियार नेकपा परित्याग गरेर नेपाली कांग्रेसमा प्रवेश गरेका हुन् ।

नेपाली कांग्रेस रुकुम पश्चिमले नेकपा छाडेर आएका नयाँ नेता तथा कार्यकर्ताहरूलाई समान व्यवहार गर्ने आश्वासन दिएको छ ।

सत्तारुढ नेकपाका दोस्रो वरीयताका अध्यक्ष पुष्पकमल दाहाल ‘प्रचण्ड’, जनार्दशन शर्मालगायतका नेताहरूले धोका दिएका पार्टी छाडेकाहरूको आरोप छ । यसअघि पनि रुकुम पश्चिममा नेकपाका नेता तथा कार्यकर्ताहरू कांग्रेसमा प्रवेश गरिसकेका छन् ।

सम्बन्धित पोष्टहरू
लेख रचना/कबिता

वर्तमान राजनीति र अब काङ्ग्रेसको बाटो

वर्तमान राजनीति र अब काङ्ग्रेसको बाटो
पत्रपत्रिका

अब मलको अभावमा किसान छट्पटाउनु पर्दैन: मन्त्री अर्याल

काठमाडौँ । कृषि तथा पशुपन्छी विकासमन्त्री पद्माकुमारी अर्यालले दीर्घकालीन रूपमा मलको समस्या समाधान हुने गरी मन्त्रालय काम अगाडि बढाएको बताउनुभएको छ । शुक्रबार मन्त्रालयमा आयोजित …

नेकपा कसको ?

काठमाडौँ । प्रतिनिधिसभामा फराकिलो बहुमत पाएको नेपाल कम्युनिस्ट पार्टी (नेकपा) माथि दुई समूहको दाबी कायमै रहेको अवस्थामा पार्टीको नाम नै गैरकानुनी रूपमा नक्कल गरिएको भन्ने …

सर्वोच्चमा सभामुखको जवाफ : संवैधानिक नियुक्तिमा असहमति छ

काठमाडौँ। संवैधानिक निकायमा पदाधिकारी सिफारिस तथा नियुक्तिसम्बन्धी विवादमा सभामुख अग्निप्रसाद सापकोटाले सर्वोच्च अदालतमा लिखित जवाफ पेस गर्नुभएको छ । महान्यायाधिवक्ताको कार्यालयमार्फत सापकोटाको जवाफ पेस भएको …

अख्तियारले अलग्गै प्रयोगशाला बनाउने

काठमाडौँ । भौतिक पूर्वाधार निर्माणका विषयमा परेका उजुरीहरूको अनुसन्धानलाई थप प्रभावकारी, विश्वनीय र गोप्य बनाउन अख्तियार दुरुपयोग अनुसन्धान आयोगले आफ्नै प्राविधिक परीक्षण प्रयोगशाला सञ्चालनमा ल्याउने …