अछामकाे कैलास खाेलामा बाढी , खेतहरु बगरमा परिणत

हिम शाह

हिजो राती देखी आएको अविरल बर्षाले अछामकाे कैलास खाेलामा बाढी आउदा छेउछाउका खेतहरु सबै बगरमा परिणत भएका छन ।

अछामको रामारोशन गाउँपालिका–५ स्थित कैलास खोलामा आएको बाढीले १६ घर बगाएको छ । अहिलेसम्म ४ जनाको शव भेटिएको र १९ जना बेपत्ता भएको गाउँपालिका उपाध्यक्ष सरस्वती रावलले जानकारी दिइन् ।

बाढीले गजड बजार, मुजा बगर र सैनी बजारमा बढी क्षति पुर्याएको छ । प्रहरी घटनास्थलमा पुग्दै छ । स्थानीयहरू उद्वार कार्यमा जुटेका छन् ।

रामारोशन गाउँपालिकाकाे केन्द्र बिन्दु, मुजाबगर, गजडबजार, लगायतका खेतहरु र बान्नीगढी जयगढ गाउँपालिका वडा नं. ६ र मंगलसैन नगरपालिका वडा नं. १४ अन्तर्गतका छेउछायका सेरिखेत, पुलबजार , जमाले खेत, कोसेडा, लगायत्का थुप्रै स्थानमा रहेका खेतहरु बगरमा परिणत भएको छ । रामाराेशन गाउँपालिका जाेडने पक्की पुलकाे छेउ समेत बढीले बगाएको छ ।

निरन्तरको बर्षाका कारण रामारोशन गाउँपालिकाको केन्द्र मुजाबगर, गजडबजार लगायतका स्थान हरुमा ठूलो क्षेती हुनुका साथै अन्य स्थानहरु पनि उच्च जोखिममा रहेका छन ।

• Categories
• #मुख्य समाचार