खोटाङ हलेसी तुवाचुङ नगरपालिका २ मा माछापुच्छ्रे बैककाे शाखा सञ्चालनमा

यज्ञ कुमार राई

स्थानीय तहमा कम्तीमा एउटा बैंकको शाखा पुर्‍याउने सरकारी लक्ष्य अनुसार माछापुच्छ्रे बैकले हलेसी तुवाचुङ नगरपालिका वडा नं. २ डिकुवाकाे दाम्लीमा शाखा रहित बैकिङ सेवा सञ्चालन गरेको छ ।

बैकिङ्ग पहुँचदेखि टाढा रहेका भाैगलिक रूपमा बिकट, ग्रामीण भेग र बस्तीहरूमा वित्तीय पहुँच विस्तार गर्ने नगरपालिकाकाे  उदेश्य अनुरूप हलेसी तुवाचुङ नगरपालिका वडा नं. २ डिकुवाकाे दाम्लीमा माछापुच्छ्रे बैंक लिमिटेडकाे शाखा रहित बैकिङ सेवा आजबाट सञ्चालनमा आए सँगै सेन्चुरी र साल्पा विकास बैक गरी यस नगरमा शाखा बैक ३ वटा रहेको हलेसे तुवाचुङ नगरपालिकाका अध्यक्ष ईवन राईले आगमन  खबरलाई बताए ।

बैंकबाट प्रवाह हुने सेवाकाे ९०% सेवा शाखा रहित बैकबाट सेवा प्रवाह गरि जनतालाई हलेसी, दिक्तेल धाउनु पर्ने अवस्थाकाे अन्त सँगै  हलेसी तुवाचुङ बासीहरुको समय र पैसा दुबैको बचत भएको अध्यक्ष राईले भने ।

माछापुच्छ्रे बैंक लिमिटेडको शाखा रहित बैंक तुवाचुङ नगरपालिकाका ६ वटा वडामा विस्तार गरिने अध्यक्ष राईले बताए ।

वित्तीय कारोबार समुदायमा सन्चालन हुँदा खोटाङको तुवाचुङ नगरपालिकाका बसिन्दामा खुशी छाएको  छ ।

• Categories
• #बैंक/बिमा
• #सम -सामयिक