स्याङ्जामा पहिरोमा परी एकको मृत्यु, दुइ घाइते

आगमनखबर संवाददाता

स्याङ्जा, गल्याङ लगातारको वर्षापछि मंगलबार बिहान ३:३० बजे गल्याङ नगरपालिका वडा नं. १० सिमलसाैंरामा घर भन्दा माथिबाट गएकाे पहिराेमा परी एकको मृत्यु भएको छ। एक जनाको उद्धार गरिएको छ । 

पहिराले घर भत्किदा पुरिएर ५२ बर्षीय माया सारुको मृत्यु भएको हो भने २२ बर्षीय छोरी नारायणी सारुलाई स्थानीयले उद्धार गरिएको जिल्ला प्रहरी कार्यालयका प्रहरी नायब उपरिक्षक राजेन्द्र प्रसाद अधिकारीले जानाकारी दिनुभयो । 

राती खाना खाएर आमा छोरी सुतेकोमा बिहान स्थानीयले पहिरोले पुरेको देखेपछि एक जनाको उद्धार गरिएको हो भने एक जनाको मृत्यु भै सकेको थियो । घरदेखि करिब २५ मिटर माथीबाट आएको पहिरोले छिमेकी जीवन सारू र पदम सारूकाे घरमा समेत क्षति पुगेको अधिकारीले जानकारी  दिनुभयो । 

पहिरोबाट उद्धार गरिएकी छोरी सारुको उपचार भईरहेको प्रहरीले जनाएको छ ।

• Categories
• #सम -सामयिक